19.06.2026 | 22:50
Սրբուհի Գալյանն ու ԵՄ դեսպանը քննարկել են վիզաների ազատականացման գործընթացը
Գերմանիան մտահոգված է, որ Թուրքիային պիտի մատակարարվի S-400
Քաղաքականություն
30.04.2019 | 12:12
Թուրքիայում Գերմանիայի արտակարգ և լիազոր դեսպան Մարտին Էրդմանը հայտարարել է, որ Բելռինը մեծապես անհանգստացած է, առաջիկայում Ռուսաստանի կողմից Թուրքիային մատակարարվելիք S-400 զենիթահրթիռային ՀՕՊ համակարգերի հարցով. գրում է ermenihaber-ը:
Մասնակցելով Ստամբուլում տեղի ունեցած կոնֆերանսին՝ դեսպանն ասել է. «Մենք կցանկանայինք, որ Թուրքիան մոտ գտնվի արևմտյան դաշինքին, այդ իսկ պատճառով անհանգստացած ենք Թուրքիայի կողմից այդ համակարգերի գնման առնչությամբ»։
Էրդմանը նաև նշել է, որ թեև ցանկացած պետություն ազատորեն կարող է գնել զենք, այնուամենայնիվ, Անկարան պետք է հաշվի առնի, թե ինչ հետևանքների կհանգեցնի իր այդ քայլը, մանավանդ որ այն չի համապատասխանում ՆԱՏՕ-ի չափանիշներին։
Հիշեցնենք, որ Ռուսաստանն այդ համակարգերի առաջին խմբաքանակը Թուրքիային մատակարարելու է 2019-ի ամռանը։
