09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Բիլիարդանոցում պատանդ վերցված աղջիկը վերակենդանացման բաժանմունքում է (տեսանյութ, լուսանկարներ)
Հասարակություն
29.08.2017 | 18:06
Էրեբունի վարչական շրջանում գտնվող բիլիարդանոցներից մեկում տղամարդու կողմից պատանդ վերցված երիտասարդ աղջիկն այժմ վերակենդանացման բաժանմունքում է: Այս մասին Factor.am-ին հայտնեց «Էրեբունի» բժշկական կենտրոնի տնօրեն Միքայել Մանուկյանը:
«Աղջիկը շոկային վիճակում է: Մարմնի վրա առկա են բազմաթիվ կապտուկներ, կան նաև կտրող-ծակող առարկայով հասցված վնասվածքներ»,- մանրամասնեց հիվանդանոցի տնօրենը:
Ինչ վերաբերում է աղջկան պատանդ վերցրած տղամարդուն, ապա Մանուկյանի փոխանցմամբ, նրան հիվանդանոց են տեղափոխել մահացած վիճակում: Այլ մանրամասներ բժշկական կենտրոնի տնօրենը չհայտնեց:
Հիշեցնենք՝ Էրեբունի վարչական շրջանում գտնվող բիլիարդանոցներից մեկում մի տղամարդ երիտասարդ աղջկա պատանդ էր վերցրել՝ սպանության սպառնալիքով: Ոստիկանները դիպուկահարի միջոցով վիրավորել էին աղջկան պատանդ պահող տղամարդուն, որին տեղափոխել էին հիվանդանոց:
Շողիկ Գալստյան
