Հասարակություն
29.08.2017 | 16:36
Փաստաբան Տիգրան Աթանեսյանը ֆեյսբուքյան իր էջում տեղեկացնում է, որ կարճվել է իր պաշտպանյալի՝ ՀՀ նախկին արտգործնախարար Վարդան Օսկանյանի որդու՝ Արա Օսկանյանի վերաբերյալ քրգործը։
«Եվս ինքնագովազդի շարքից` այսօր քննիչը կարճել է իմ պաշտպանյալ Արա Օսկանյանի վերաբերյալ քրեական գործը` հանցակազմի բացակայության պատճառաբանությամբ»,- գրել է փաստաբանը:
Հիշեցնենք, 2017 թ. փետրվարին, Կոտայքի քննչական բաժնի քննիչի որոշմամբ ձերբակալվել էին 33-ամյա Արա Օսկանյանն ու 25-ամյա Հրանտ Սերադարյանը, որոնք կասկածվում էին քաղաքացու առևանգելու մեջ՝ պարտքը վերադարձնելու պահանջով։
