13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
ԱՄՆ նախագահի թեկնածուներն աջակցում են Ցեղասպանության ճանաչմանը
Քաղաքականություն
24.04.2019 | 13:19
Ամերիկյան Al Monitor պարբերականը Հայոց ցեղասպանության 104-րդ տարելիցի կապակցությամբ հոդված է հրապարակել։ Դրանում նշվում է, որ ավելի քան 100 կոնգրեսական ստորագրել է ԱՄՆ Սենատում և Ներկայացուցիչների պալատում ապրիլի 9-ին ներկայացված բանաձևը, որով երկրի իշխանություններին կոչ է արվում ճանաչել Հայոց ցեղասպանությունը:
Աղբյուրի փոխանցմամբ՝ բանաձևը ստորագրած կոնգրեսականներից մի քանիսը 2020 թվականին կայանալիք ԱՄՆ նախագահական ընտրությունների թեկնածուներ են:
Նախագահի թեկնածուներից բնաձևը սատարել են Մասաչուսեթս նահանգից սենատոր Էլիզաբեթ Ուորենը, Կալիֆոռնիա նահանգից կրտսեր սենատոր Քամալա Հարիսը, կոնգրեսականներ Թուլսի Գաբարդը՝ Հավայի նահանգից և Սեթ Մոլթոնը՝ Մասաչուսեթս նահանգից։ Թեկնածուներից կոնգրեսական Էրիկ Սուոլուելն էլ նման կոչ պարունակող բանաձևը ստորագրել է դեռ 2017-ին:
Ակնկալվում է, որ ԱՄՆ նախագահ Դոնալդ Թրամփը հանդես կգա Հայոց ցեղասպանության տարելիցին նվիրված հայտարարությամբ:
Նելլի Մելքոնյան
