28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ֆրանսիական Վերսալում հրդեհ է բռնկվել
Քաղաքականություն
23.04.2019 | 21:53
Ֆրանսիական Վերսալ քաղաքում հրդեհ է բռնկվել: Խոշոր հրդեհը սկիզբ է առել թագավորական պալատից ոչ հեռու: Այս մասին գրում է ՌԻԱ Նովոստին:
«Վերսալի Պարկ դե Կլանյի փողոցում հրդեհ է: Խնդրում ենք՝ հեռու մնալ այդ շրջանից՝ մինչև արտակարգ իրավիճակների ծառայության աշխատանքների ավարտը»,- ասված է տեղի ոստիկանության Twitter-ում հրապարակված հաղորդագրությունում:
Փողոցում երթևեկությունը սահմանափակվել է: Հրշեջ ծառայության տեղեկացմամբ՝ կրակը բռնկվել է ավտոմեքենաների խանութում:
Արտակարգ պատահարի հետևանքով տուժածներ չկան: Մեծ արագությամբ սոցցանցերում տարածված տեսանյութերում թանձր ծխի սյուներ են երևում:
Նշենք, որ քաղաքի տարածքում է գտնվում պալատը, որը 1666-1789 թվականներին թագավորական նստավայրն է եղել: 1801 թվականին այն թանգարանի կարգավիճակ է ստացել և բացվել հանրության համար, իսկ 1830-ից թանգարան է դարձել Վերսալի ամբողջ համալիրը: 1979 թվականին Վերսալի պալատն ու զբոսայգին ներառվել են ՅՈՒՆԵՍԿՕ-ի համաշխարհային մշակութային ժառանգության ցանկում:
