01.05.2026 | 12:51
ՖԻԴԵ. Հայ շախմատիստների թարմացված դիրքերը դասակարգման աղյուսակում
Միգուցե դիվանագիտության մեջ դա այնքան էլ ընդունված չէ, բայց ես բոլորի հետ այդպես եմ շփվում. Փաշինյանը Զելենսկուն խորհուրդներ է տվել Պուտինի հետ հարաբերություններ կառուցելու
Քաղաքականություն
23.04.2019 | 19:07
Հայաստանի վարչապետ Նիկոլ Փաշինյանն РБК-ին տված հարցազրույցում պատմել է՝ ինչպես Ուկրաինայի ընտրություններում հաղթանակ տարած Վլադիմիր Զելենսկին պետք է հարաբերություններ կառուցի Ռուսաստանի Դաշնության նախագահ Վլադիմիր Պուտինի հետ։
«Ես չեմ կարծում, որ նրան դժվար կլինի։ Պայմաններ կան՝ եթե լինես ուղիղ, անկեղծ, առանց խարդախության, դժվար չի լինի։ Պարզապես պետք է ազնիվ և ուղիղ շփվել»,- ասել է նա։
Նրա խոսքով՝ այս խորհուրդը վերաբերում է ոչ միայն ՌԴ նախագահի հետ շփմանը։
«Ես կարծում եմ, որ յուրաքանչյուր մարդ կգնահատի, եթե տեսնի, որ զրուցակիցը չի փորձում նրան խաբել ինչ-որ բանում, ինչ-որ բան չի նենգափոխում։ Սա շատ, շատ ճիշտ տարբերակ է բոլոր տեսակի հարաբերությունների համար։ Միգուցե, դիվանագիտության մեջ, միջազգային հարաբերություններում դա այդքան էլ ընդունված չէ, բայց ես բոլորի հետ այդպես եմ շփվում»,- ասել է ՀՀ վարչապետը։
