10.09.2026 | 12:00
Ինչ են քննարկել Փաշինյանն ու Մակրոնը // «Լամբադա» կամուրջն այսօրվանից փակ է․ ԼՈՒՐԵՐ
Ուկրաինական դատարանը պահանջել է քրեական գործ հարուցել Պյոտր Պորոշենկոյի դեմ
Քաղաքականություն
23.04.2019 | 15:22
Կիևի շրջանային վարչական դատարանի դատավորները պահանջում են գործող նախագահ Պյոտր Պորոշենկոյի իմփիչմենթի գործընթաց սկսել և նրա դեմ քրեական գործ հարուցել: Այս մասին ասված է դատարանի մամուլի ծառայության հաղորդագրությունում, գրում է Lenta-ն:
Դատավորների կոլեգիան վստահ է, որ «Պրիվատբանկի» անօրինական ազգայնացումը ճանաչելու մասին որոշման հրապարակումից հետո Պորոշենոյի արած հայտարարությունները դատական համակարգի վրա ճնշում են:
Դատավորները խնդրում են նաև պաշտպանություն ապահովել երկրի ղեկավարության ամենաթողությունից, ինչպես նաև կանխել նման դեպքերը: Նրանք Հետաքննությունների գլխավոր բյուրոյից պահանջել են քրեական գործեր հարուցել Պորոշենկոյի, արդարադատության նախարար Պավել Պետրենկոյի և Ուկրաինայի Ազգային բանկի ղեկավար Յակով Սմոլիի նկատմամբ:
Նշենք, որ Կիևի շրջանային վարչական դատարանն ապրիլի 18-ին ապօրինի էր ճանաչել գործարար Իգոր Կոլոմոյսկիին պատկանող «Պրիվատբանկի» ազգայնացումը: Ֆինանսական կառույցն ազգայնացվել է 2016 թվականին կազմակերպությունում ստեղծված բարդ ֆինանսական իրադրության պատճառով:
Դատարանի հայտարարությունից հետո Պյոտր Պորոշենկոն Ուկրաինայի Ազգային անվտանգության և պաշտպանության խորհրդի նիստ է հրավիրել, որում դիմել է Անվտանգության ծառայությանն ու գլխավոր դատախազությանը՝ խնդրելով քրեական գործեր հարուցել գործը քննած դատավորների կոլեգիայի դեմ:
