16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Պորոշենկոն խղճուկ տեսք ուներ Զելենսկու հետ բանավեճի ընթացքում. Միխեիլ Սաակաշվիլի
Քաղաքականություն
20.04.2019 | 13:15
Վրաստանի նախկին նախագահ և Օդեսայի նախկին նահանգապետ Միխեիլ Սաակաշվիլին հայտարարել է, որ Կիևում նախագահի թեկնածուների միջև տեղի ունեցած բանավեճի ընթացքում գործող նախագահ Պյոտր Պորոշենկոն իր մրցակից Վլադիմիր Զելենսկիի համեմատ «խղճուկ» տեսք ուներ. գրում է Life.ru-ն:
«Ես չեմ ուզում ասել, որ Զելենսկին հաղթեց բանավեճը, բայց կարծում եմ, որ Պորոշենկոն պարտվեց, նա խայտառակեց իրեն: Պորոշենկոն ոչ միայն պարտվեց, այլև շատ խղճուկ տեսք ուներ»,- ասել է Սաակաշվիլին:
Նա ասել է, որ Զելենսկիի կողմնակիցները լավ գիտեն Ուկրաինայի գործող նախագահին և թե ինչպես է Պորոշենկոն իրեն համեմատում Ուինսթոն Չերչիլի հետ: «Չերչիլը, հավանաբար, շուռ է գալիս դագաղում»,- ասել է Սաակաշվիլին:
Վրաստանի նախկին նախագահը հավելել է, որ նախագահական ընտրությունների երկրորդ փուլից հետո Պորոշենկոն կփորձի «քաոս ստեղծել» երկրում:
Պատասխանելով հարցին, թե արդյոք ինքը կհամագործակցի Վլադիմիր Զելենսկիի հետ, եթե վերջինս իրեն պաշտոն առաջարկի, Սաակաշվիլին հայտարարել է, որ պատրաստ է աջակցել Ուկրաինային: «Անպայման գալու եմ Կիև, որը ես իմ տունն եմ համարում: Ուզում եմ օգնել Ուկրաինային ոտքի կանգնել»,- եզրափակել է նա:
