12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Հիմքեր կան ենթադրելու, որ ԼՂ հարցով վերջին պայմանավորվածությունները թղթի վրա չեն մնա. Լավրով
Քաղաքականություն
17.04.2019 | 15:41
Հիմքեր կան համարելու, որ և՛ Հայաստանը, և՛ Ադրբեջանը շահագրգռված են, որպեսզի Լեռնային Ղարաբաղի հարցով վերջին պայմանավորվածությունները թղթի վրա չմնան: Այս մասին հայտարարել է ՌԴ ԱԳ նախարար Սերգեյ Լավրովը, գրում է ՌԻԱ Նովոստին:
«Ես կարդացել եմ մեկնաբանությունները, որ նման հարցեր, հատկապես՝ մարդասիրական ոլորտում, համաձայնեցվել են նաև նախկին, բայց ոչ միշտ են իրագործվել: Դա ճիշտ է: Բայց ես Մոսկվայում կայացած շփումների արդյունքներով հիմքեր ունեմ ենթադրելու, որ և՛ Բաքուն, և՛ Երևանը շահագրգռված են, որ այս անգամ այդ պայմանավորվածությունները թղթի վրա չմնան»,- սերբ գործընկեր Իվիցա Դաչիչի հետ հանդիպումից հետո տեղի ունեցած ասուլիսում ասել է Լավրովը:
Հիշեցնենք, որ ապրիլի 15-ին Հայաստանի, Ադրբեջանի և Ռուսաստանի ԱԳ նախարարները ԵԱՀԿ Մինսկի խմբի համանախագահների ու ԵԱՀԿ գործող նախագահի անձնական ներկայացուցիչ Անջեյ Կասպրշիկի մասնակցությամբ Մոսկվայում հանդիպեցին: Համատեղ նիստի ընթացքում պայմանավորվածություն է ձեռք բերվել միջոցներ ձեռնարկել՝ կողմերի մոտ բանտարկված անձանց հարազատների այցելությունը թույլատրելու ուղղությամբ:
