17.09.2026 | 23:38
Սամվել Կարապետյանի տնային կալանքը երկարաձգվել է
Նախագահի նստավայրը հնարավոր է կոչվի Հանրապետության տուն
16.04.2019 | 14:56
նախագահականից քաղաքապետարան գրություն են ուղարկել, որ
նախագահ Արմեն Սարգսյանը ցանկանում է իր նստավայրին անուն տալ:
Նախագահի աշխատակազմի ղեկավար Էմիլ Տարասյանը գրավոր դիմել է Երեւանի քաղաքապետ Հայկ Մարությանին, որ նախագահի նստավայրն անվանվի Հանրապետության տուն: Նախագիծը Երեւանի ավագանու մշակույթի, կթության եւ սոցիալական հարցերի մշտական հանձնաժողովը քննարկելու է առաջիկա ուրբաթ օրը, որից հետո նախագիծն ընդգրկվելու է Երեւանի ավագանու նիստի օրակարգ:
Տեղեկությունը Factor.am-ի հետ զրույցում փոխանցեց Երեւանի ավագանու «Իմ քայլը» խմբակցության անդամ, մշակույթի, կթության եւ սոցիալական հարցերի մշտական հանձնաժողով անդամ Լեւոն Զաքարյանը:
«Նախագահականից է եկել առաջարկը, քանի որ այնտեղ Բաղրամյան 26-ում եղել է երկու շինութ
յուն՝ նախագահի նստավայրը եւ բնակելի շենք: Ես ոնց հասկացա՝ քաղաքապետի որոշմամբ նախագահի նստավայրին նոր հասցե է տրվել՝ Բաղրամյան 26/1: Նաեւ նախագահն առաջարկում է այդ շենքին տալ անվանում, մասնավորապես՝ որ ավագանու որոշմամբ տրվի Հանրապետության տուն անուն»,- նշեց Լեւոն Զաքարյանը:
Ավագանու անդամը դժվարացավ ասել, թե հանձնժողովում այս նախագիծն ինչ եզրակացություն է ստանալու:
Նարեկ Կիրակոսյան
