12.11.2024 | 23:27
Գրետա Թունբերգը ժամանել է Հայաստան
«Փրկենք Նոտր Դամը». Փարիզի Աստվածամոր տաճարի համար Ֆրանսիայում դրամահավաք է սկսվել
Քաղաքականություն
16.04.2019 | 11:04
Ֆրանսիայի Մշակութային ժառանգության պահպանման պետական հիմնադրամը հանգանակություն է հավաքում Փարիզի Աստվածամոր տաճարի վերականգնման համար: Հիմնադրամի կայքում «Փրկենք Նոտր Դամը» խորագրով բաժին է բացվել, գրում է «ՌԻԱ Նովոստին»:
Օգտատերերին առաջարկվում է 50-500 եվրո կամ ցանկացած այլ գումար նվիրաբերել: «Նվիրաբերված բոլոր միջոցներն ամբողջությամբ ուղղվելու են Փարիզի Աստվածամոր տաճարի վերականգնմանը»,- ասված է հանգանակության մասին հայտարարությունում:
Նշենք, որ աշխարհահռչակ Աստվածամոր տաճարում խոշոր հրդեհը բռնկվել է երկուշաբթի երեկոյան: Հրդեհաշիջման աշխատանքներին շուրջ 400 հրշեջ է մասնակցել: Նախնական տեղեկություններով՝ կրակի բռնկման պատճառ կարող էին դառնալ տաճարի վերականգնման աշխատանքները:
Անվտանգության նկատառումներից ելնելով՝ տաճարին հարակից մետրոյի կայարանները չեն գործում:
Միաժամանակ, Աստվածամոր տաճարի ներկայացուցիչ Անդրե Ֆինոն հայտնել է, որ առայժմ վաղ է գնահատել հրդեհի հասցրած վնասի չափը՝ հավելելով, որ տաճարի վերականգման համար տարիների աշխատանք կպահանջվի:
