Քաղաքականություն
15.04.2019 | 23:36
ԱՄՆ նախագահ Դոնալդ Թրամփը քիչ առաջ թվիթերում գրառում է կատարել՝ կոչ անելով անհապաղ ջանքեր գործադրել Փարիզի Աստվածամոր տաճարի հրդեհը մարելու ուղղությամբ:
«Այնքան ահավոր է տեսնել հրդեհը Նոտր Դամում:Գուցե անհրաժեշտ է ներգրավել հրշեջ ավիացիա։ Անհրաժեշտ է գործել արագ»,- գրել է ԱՄՆ նախագահն իր թվիթերյան էջում:
Նշենք, որ ավելի վաղ իր թվիթերյան էջում գրառում է կատարել նաև Ֆրանսիայի նախագահ Էմանուել Մակրոնը՝ նշելով, որ իր բոլոր հայրենակիցների պես ինքն այս երեկո տխուր է՝ տեսնելով, թե ինչպես է այրվում իրենց այս մասնիկը:
