08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Սկզբում 8։0 հաշվով պարտվում էի, բայց կարողացա այդ միավորները ետ բերել ու գնալ հաղթանակի․ ԵԱ չեմպիոն Արսեն Հարությունյան․ ՏԵՍԱՆՅՈՒԹ
15.04.2019 | 14:11
Ազատ ոճի ըմբշամարտի Հայաստանի հավաքականի մարզիկները գորգ են մտնում հաղթելու համար, իսկ Արսեն Հարությունյանն էլ իր վերջին հաղթանակով ցույց տվեց, որ և՛ ֆիզիկապես, և՛ հոգեպես պատրաստ է հաղթանակի։ Այսօր հրավիրված մամուլի ասուլիսի ժամանակ Բուխարեստում կայացած ըմբշամարտի Եվրոպայի առաջնությանը նվիրված մամուլի ասուլիսի ժամանակ ասաց ազատ ոճի ըմբշամարտի Հայաստանի հավաքականի գլխավոր մարզիչ Հաբեթնակ Կուրղինյանը։
Ասուլիսին մասնակից հավաքականի մարզիկ, Եվրոպայի առաջնության չեմպիոն Արսեն Հարությունյանն էլ նշեց, որ իր համար ամենատպավորիչ գոտեմարտը եզրափակիչ փուլի իր մենամարտն էր։
«Սկզբում 8։0 հաշվով պարտվում էի, սակայն կարողացա այդ միավորները ետ բերել ու գնալ հաղթանակի։ Ամբողջ կյանքս դա հիշելու եմ։ Այդ պահին հիշեցի, թե ինչքան եմ տանջվել մարզիչներիս հետ միասին, ու գնացի հաղթանակի»,- ասաց Եվրոպայի առաջնության չեմպիոնը։
Խոսելով հաղթանակից հետո իր ունեցած զգացողությունների մասին՝ Հարությունյանն ասաց, որ թեև գոտեմարտի ավարտի առաջին րոպեներին չէր գիտակցում իր հետ կատարվածը, սակայն այժմ իրավիճակն այլ է:
«Հիմա շատ լավ զգացողություններ ունեմ, արդեն զգում եմ, որ հաղթել եմ Եվրոպայի առաջնությանը: Բոլորը հարգում են, ինչ գործ էլ, որ ուզում եմ անեմ, առաջ են գցում․ (ծիծաղում է խմբ․)»,- ունեցած տպավորությունները լրագրողների հետ կիսեց Արսեն Հարությունյանը։
Խոսելով իր նպատակների մասին էլ՝ Հարությունյանը նշեց, որ այս պահին այն մեկն է․ «Իմ մարզիչները թող որոշեն, թե որտեղ եմ մասնակցելու իմ հաջորդ մենամարտին, նպատակս կլինի գնալ և այդ մրցումը հաթել»։
Մանրամասները՝ տեսանյութում։
Աղավնի Սուքիասյան
