21.06.2026 | 12:06
Հունիսի 22-ին և 23-ին գազ չի լինելու մի շարք հասցեներում
ԱՄՆ-ում չեն բացառել Դոնալդ Թրամփի իմպիչմենթի հնարավորությունը
Քաղաքականություն
11.04.2019 | 11:30
ԱՄՆ Կոնգրեսի Ներկայացուցիչների պալատի խոսնակ Նենսի Փելոսին չի բացառել այնպիսի հանգամանքների ի հայտ գալը, որը կարող է պահանջել նախագահ Դոնալդ Թրամփի իմպիչմենթը: Այս մասին Փելոսին ասել է AP-ին տված հարցազրույցում, գրում է ՏԱՍՍ-ը:
«Կարծում եմ՝ իմպիչմենթը հղի է մեր երկրում ճեղքվածքով, բայց երբ տեսնենք դրա պահանջը, հնարավոր է՝ նրա (Թրամփի) իմպիչմենթի վճռական անհրաժեշտություն առաջանա»,- ասել է Ներկայացուցիչների պալատի խոսնակը: Նշենք, սակայն, որ մարտին Washington Post-ին տված հարցազրույցում նա չէր սատարել պետության ղեկավարի հնարավոր իմպիչմենթը:
Փելոսին հայտարարել է նաև արդարադատության նախարար, գլխավոր դատախազ Ուիլյամ Բարրի հանդեպ անվստահության մասին՝ կապված այն բանի հետ, թե նա ինչպես է շարադրել 2016 թվականի ԱՄՆ ընտրություններին Ռուսաստանի հնարավոր միջամտության մասին հատուկ դատախազ Ռոբերտ Մյուլլերի զեկույցի հիմական եզրահանգումները:
«Նա ոչ թե Դոնալդ Թրամփի, այլ ԱՄՆ-ի գլխավոր դատախազն է: Բարրին ես չեմ հավատում, իսկ Մյուլլերին հավատում եմ»,- հավելել է նա:
Մարտի 24-ին ԱՄՆ արդարադատության նախարարությունը, որը միաժամանակ կատարում է գլխավոր դատախազության գործառույթները, զեկույց էր ներկայացրել Մյուլի հետաքննության արդյունքների հիման վրա: Փաստաթղթում, մասնավորապես, նշվում է Մոսկվայի և Թրամփի նախընտրական շտաբի միջև դավադրության բացակայության մասին: Սակայն դրանում պնդում կա, որ Ռուսաստանը փորձել է ընտրությունների վրա ազդել հաքերային հարձակումների միջոցով:
