01.05.2026 | 11:01
Աշխատանքի շնորհիվ ենք ստեղծում նոր արժեքներ և ամրապնդում մեր երկրի տնտեսական հիմքերը․ ՀՀ նախագահ
Ղազախստանում արտահերթ նախագահական ընտրությունները կանցկացվեն հունիսի 9-ին
Քաղաքականություն
09.04.2019 | 16:03
Ղազախստանում արտահերթ նախագահական ընտրությունները նշանակված են հունիսի 9-ին: Այս մասին տեղեկացրել է երկրի ղեկավար Քասըմ-Ժոմարտ Տոկաևը, գրում է ՌԻԱ Նովոստին:
«Որոշում եմ կայացրել արտահերթ ընտրությունները հունիսի 9-ին անցկացնելու մասին»,- հանրապետական հեռուստաալիքներով հեռարձակված տեսաուղերձում ասել է Տոկաևը:
Երկրի Կենտրոնական ընտրական հանձնաժողովին հանձնարարվել է կազմակերպել և անցկացնել արտահերթ ընտրությունները, իսկ կառավարությանը՝ անհրաժեշտ միջոցներ ձեռնարկել կազմակերպական, նյութատեխնիկական և ֆինանսական ապահովման ուղղությամբ: Մարզերի, ինչպես նաև Նուր-Սուլթան, Ալմա-Աթա և Շիքմենթ քաղաքների ղեկավարներին էլ հանձնարարվել է հետևել հավաստի ընտրացուցակների կազմմանը:
Միաժամանակ, արդեն հայտնի է, որ Ղազախստանի նախկին նախագահ Նուրսուլթան Նազարբաևի դուստրը՝ Սենատի խոսնակ Դարիգա Նազարբաևան, չի պատրաստվում առաջադրվել նախագահի պաշտոնում:
Հիշեցնենք, որ շուրջ 30 տարի Ղազախստանը ղեկավարած Նուրսուլթան Նազարբաևը նախագահի պաշտոնից հրաժարական ներկայացրեց մարտի 20-ին: Պետության ղեկավար դարձավ Քասըմ-Ժոմարտ Տոկաևը, որը մինչ այդ զբաղեցնում էր խորհրդարանի վերին պալատի խոսնակի պաշտոնը:
