24.06.2026 | 18:05
Վահագն Խաչատուրյանն ընդունել է Հանրային ծառայությունները կարգավորող հանձնաժողովի նախագահ Մեսրոպ Մեսրոպյանին
Վարչապետը հանձնարարեց տնտեսվարողների նկատմամբ տուգանքի փոխարեն նախազգուշացում կիրառել
Տնտեսություն
24.08.2017 | 14:00
ՀՀ կառավարության նիստում վարչապետ Կարեն Կարապետյանը հանձնարարական տվեց նվազ նշանակության հարկային իրավախախտումների համար նախազգուշացման սահմանման վերաբերյալ։
«ՓՄՁ-ների հետ հանդիպումների ժամանակ վեր են հանվել նվազ նշանակության հաճախակի հանդիպող հարկային ոլորտի վարչական իրավախախտումներ, որոնք վերաբերում են հարկային մարմիններին անհրաժեշտ փաստաթղթերը սահմանված ժամկետներում ներկայացնելու կամ թերի ներկայացնելու դեպքերին։ Նման իրավախախտումների դեպքում ներկայումս նախատեսված է տուգանքի նվազագույն և առավելագույն չափ, սակայն դրանց որոշման օրենսդրական հիմքերը բացակայում են, ինչը թույլ է տալիս կիրառող մարմնին ցուցաբերել հայեցողական մոտեցում»,- ընդգծեց Կառավարության ղեկավարը:
Կարապետյանի համոզմամբ՝ նման բնույթի խախտումները նվազ նշանակության են, որի պարագայում առաջին անգամ խախտում թույլ տվող տնտեսվարողների նկատմամբ կարող է կիրառվել զգուշացում, սակայն ներկայումս նման նախաձեռնությունը օրենսդրությամբ նախատեսված չէ: Վարչապետը, ելնելով վերոնշյալից, հանձնարարեց տնտեսական զարգացման և ներդրումների նախարարին, ՊԵԿ նախագահին մեկամսյա ժամկետում ուսումնասիրել և կառավարության աշխատակազմ ներկայացնել հարկային ոլորտում նվազ նշանակության իրավախախտումների առաջին անգամ կատարելու դեպքում տնտեսվարողների նկատմամբ նախազգուշացում կիրառելու և տուգանքի չափի հստակեցման վերաբերյալ առաջարկություններ։
Շողիկ Գալստյան
