10.09.2026 | 12:43
ՌԴ-ից Ադրբեջանի տարածքով Հայաստան է ուղարկվել 20 վագոն գարի և 21 վագոն ցորեն
Լիբիայի ազգային բանակի գլխավոր հրամանատար Խալիֆա Խաֆթարը բանակին հրամայել է հարձակվել Տրիպոլիի վրա
Քաղաքականություն
05.04.2019 | 11:08
Լիբիայի ազգային բանակի գլխավոր հրամանատար Խալիֆա Խաֆթարը իր զորքերին հրամայել է հարձակվել երկրի մայրաքաղաք Տրիպոլիի վրա. գրում է ria.ru-ն՝ հղում անելով Ալ-Արաբիա Ալ- Հադար ՀԸ-ին:
Խաֆթարը Տրիպոլիի բնակիչներին կոչ է արել «զենքերը վայր դնել և սպիտակ դրոշ բարձրացնել», իսկ բանակին հրամայաել է ապահովել արտասահմանցիների անվտանգությունն ու խաղաղ բնակիչների չկրակել:
Լիբիայում երկիշխանություն է. երկրի մի մասը վերահսկում է կառավարությունը, մյուսը՝ խորհրդարանը և Խաֆթարի բանակը:
Տեսանյութը վերնագրված է «Տրիպոլիի ազատագրման գործողություն», որում Խաֆթարն ասում է, որ գործողությունը լիբիացի ժողովրդի պահանջի պատասխանն է՝ «քաղաքում գրոհայինների և ահաբեկիչների իշխանությանը վերջ տալու մասին»:
2011 թ. քաղաքացիական պատերազմից և երկրի առաջնորդ Մուամար Քադաֆիի սպանությունից հետո Լիբիայում երկիշխանություն է պահպանվում: Արևելքում իշխում է խորհրդարանը և ֆելդմարշալ Խաֆթարի հրամանատարության ներքո գտնվող բանակը: Արևմուտքում՝ Տրիպոլիիում, ազգային համաձայնության կառավարությունը, որը ձևավորվել է ՄԱԿ-ի աջակցությամբ և ճանաչվել միջազգային հանրության կողմից:
