22.01.2026 | 20:10
Պուտինն Աբբասին ասել է, որ Ռուսաստանը պատրաստ է 1 միլիարդ դոլար ուղարկել Խաղաղության խորհրդին
Քաղաքական հարցերին կգամ խորհրդարան, կպատասխանեմ. Գագիկ Ծառուկյան
Քաղաքականություն
23.08.2017 | 18:14
«Սա մեր ազգի պարծանքի, հաղթանակի, աշխարհին ավելի մեծ ճանաչում տալու, հպարտության, հիմնը հնչելու, դրոշը բարձրացնելու և ազգին հարգելու հաղթանակ էր»,- այս մասին այսօր «Զվարթնոց» օդանավակայաում աշխարհի 2017 թ. առաջնությունում ոսկե մեդալ նվաճած ըմբիշներին՝ Մաքսիմ Մանուկյանին (80 կգ) և օլիմպիական չեմպիոն Արթուր Ալեքսանյանին (98 կգ) դիմավորելիս հայտարարեց նրանց դիմավորելու եկած ՀԱՕԿ նախագահ, «Ծառուկյան» դաշինքի առաջնորդ Գագիկ Ծառուկյանը:
Factor.am-ը Գագիկ Ծառուկյանից հետաքրքրվեց՝ հնարավո՞ր է իր ղեկավարած քաղաքական ուժին տեսնել կոալիցիայում, Ծառուկյանը պատասխանեց. «Քաղաքական հարցերին կգամ խորհրդարան, կպատասխանեմ»:
Իրեն ընդդիմադիր հռչակած «Ծառուկյան» դաշինքի առաջնորդը չպատասխանեց նաև ԵՏՄ-ից դուրս գալու «Ելք» դաշինքի հնարավոր նախաձեռնությանը միանալու մասին մեր հարցին՝ նշելով, որ այդ մասին ևս կխոսի խորհրարանում: Factor.am-ի հիշեցմանը, որ իրեն խորհրդարանական ընտրություններից հետո կրկին չէինք տեսնում նիստերին, Ծառուկյանն արձագանքեց. «Զբաղբած ենք, կգանք»:
Առավել մանրամասն՝ տեսանյութում:
Շողիկ Գալստյան
