19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Ռուս մոդելը կանխամտածված է զրպարտել Միհրան Հարությունյանին
23.08.2017 | 17:16
Սոչիի ոստիկանությունը հրաժարվել է քրեական գործ հարուցել Ռիոյի Օլիմպիական խաղերի արծաթե մեդալակիր, ըմբիշ Միհրան Հարությունյանի դեմ:
Հարությունյանի դեմ բողոք էր ներկայացրել մոսկվացի մոդել Նիկոլ Տեն, որը հայ մարզիկին մեղադրում էր իրեն ծեծելու մեջ:
Այս մասին հայտնում է «rusarminfo»-ն փոխանցում է armsport.am-ը:
Դատաբժշկական փորձաքննության արդյունքում այն փաստերը, որոնք աղջիկը ներկայացրել է իր դիմումի մեջ, չեն հաստատվել: Այդ իսկ պատճառով, իրավապահ մարմինների որևէ հիմք չեն ունեցել քրեական գործ հարուցելու համար:
Ոստիկանությունը հրապարակել է նաև Նիկոլ Տենի հեռախոսային նամակագրության լուսանկարը, որում մոդելն իր ընկերուհուն խնդրում է հարվածել իրեն` ոստիկանությունում Հարությունյանին մեղադրելու համար:
Ավելի վաղ հայտնել էինք, որ Միհրան Հարությունյանը այս օրերին զբաղված է հարսանեկան նախապատրաստություններով, որը կկայանա օգոստոսի 30-ին Հայաստանում:
