17.01.2026 | 18:22
ՀՀ տարածքում կան փակ ավտոճանապարհներ
Brexit-ի պատճառով Մեծ Բրիտանիան ավելի քան 100 մլրդ եվրո է կորցրել
Քաղաքականություն
02.04.2019 | 15:18
Մեծ Բրիտանիայի տնտեսությունը Brexit-ի պատճառով մոտավորապես 87 մլրդ ֆունտ ստերլինգ է կորցրել, ինչը 101,4 մլրդ եվրո է կազմում։ Այս եզրահանգմանն են եկել ամերիկյան Goldman Sachs բանկի վերլուծաբանները։ Համապատասխան զեկույցը հրապարակվել է երկուշաբթի՝ ապրիլի 1-ին։ Այս մասին հայտնում է Deutsche Welle պարբերականը։
Փաստաթղթի համաձայն՝ 2016 թվականի հունիսից Միացյալ Թագավորությունը շաբաթական մինչև 700 մլն եվրո է կորցրել։ Ըստ փորձագետների՝ Մեծ Բրիտանիայն Brexit-ի պատճառով կորցրել է ՀՆԱ-ի 2,5%-ը։
Goldman Sachs բանկում նշում են, որ վերջին օրերին էականորեն մեծացել է Մեծ Բրիտանիայի՝ ԵՄ կազմից դուրս չգալու հավանականությունը՝ հասնելով 35-40 տոկոսի:
Բանկի վերլուծաբանների կարծիքով էլ Brexit-ի անխուսափելիությունը 15% է գնահատվում։
Հիշեցնենք, որ ապրիլի 1-ին բրիտանական խորհրդարանը կրկին մերժել է Brexit-ից հետո գործողությունների այլընտրանքային տարբերակները:
Եթե բրիտանական խորհրդարանը առաջիկա օրերին չկարողանա փոխզիջում գտնել է Brexit-ի հարցի շուրջ, Մեծ Բրիտանիան ստիպված կլինի ապրիլի 12-ին ԵՄ-ից կոշտ սցենարով դուրս գալ։ Բացի այդ, եթե Brexit-ը կրկին հետաձգվի, Մեծ Բրիտանիայի քաղաքացիները կմասնակցեն 2019-ի մայիսի վերջին տեղի ունեցող Եվրախորհրդարանի ընտրություններին։
Նելլի Մելքոնյան
