16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Թրամփը կարող է փակել Մեքսիկայի հետ ԱՄՆ-ի սահմանը
Քաղաքականություն
02.04.2019 | 12:39
Միացյալ Նահանգներ հարավային սահմանով մուտք գործող ներգաղթյալների թիվը գրեթե կրկնապատկվել է նախորդ տարվա համեմատ: Նրանց մեծ մասը Կենտրոնական Ամերիկայից է. գրում է VOA-ն:
«Մեքսիկան կարող է կանգնեցնել այս հենց սեփական սահմաններին», -նախագահ Թրամփը խոստանում է գործել, – «Հենց հիմա Գվատեմալայից երկու մեծ քարավան է գալիս Մեքսիկայի տարածքով: Մեքսիկան, որը կարող է նրանց կանգնեցնել, չի ցանկանում դա անել, ու եթե չկանգնեցնեն, մենք կփակենք սահմանը: Ես խաղեր չեմ խաղում»:
Թրամփի առաջարկը բացառիկ չէ. 1985-ին նապագահ Ռոնալդ Ռեյգանն էր փակել Մեքսիկայի հետ սահմանը, երբ Մեքսիկայում առեւանգել էին թմրանյութերի վաճառքի դեմ պայքարող ամերիկացի ոստիկաններին: Սահմանի փակումը լուրջ վնաս կհասցնի 500 միլիարդ դոլարի հասնող երկկողմ առեւտրին: Մեքսիկայի արտգործնախարար Մարսելո Էբրարդը պատասխանելով նախագահ Թրամփին Թվիթերում գրել էր, որ Մեքսիկան սպառնալիքների չի պատասխանում, սակայն, ներգաղթի հարցերին լուրջ է վերաբերում:
Դեմոկրատական կուսակցությունը նախագահ Թրամփի խոսքերին քննադատաբար է արձագանքել:
«Մենք անվտանգ ենք հենց այն պատճառով, որ ներգաղթյալների պետություն ենք: Մենք սովորել ենք չվախենալ սեփական տարբերություններից այլ հարգել դրանք», – նշել է Դեմոկրատական կուսակցության նախագահի թեկնածուի հավակնորդ Բեթո Օ՛Ռուրկեն:
Սպիտակ տունն ասում է, որ ստեղծված իրավիճակում նախագահ Թրամփն այլընտրանք կարող է չունենալ: Դեմոկրատական մեծամասնությունը հրաժարվում է սահմանային անվտանգության համար անհրաժեշտ ֆինանսավորում հատկացնել, ուստի, այս իրավիճակում նախագահն անում է այն, ինչ անհրաժեշտ է, ABC հեռուստաընկերությանն ասել է Սպիտակ տան աշխատակազմի ղեկավարի պաշտոնակատար Միք Մուլվանին: Դոնալդ Թրամփը նշել է նաեւ, որ նախատեսում է դադարեցնել ամերիկյան օգնությունը Սալվադորին, Գվատեմալային եւ Հոնդուրասին:
