17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Դեսպան Սմբատյանը բարձր է գնահատում Ցուխաուի և Գլաձորի համագործակցությունը
Քաղաքականություն
01.04.2019 | 21:38
Գերմանիայում ՀՀ դեսպան Աշոտ Սմբատյանը մարտի 30-ին այցելել է Սաքսոնիա-Անհալթ երկրամասի Ցուխաու համայնք: Վերջինս 2017թ.-ից գործընկերություն է հաստատել ՀՀ Գետափ համայնքի հետ՝ այդպիսով դառնալով հայ-գերմանական համայնքային համագործակցության առաջին օրինակը: Այս մասին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից։
Հաղորդագրության մեջ նաև նշված է. «Այս օրերին Ցուխաուում է գտնվում նաև Գլաձոր (Գետափը ներառվել է խոշորացումից հետո) համայնքի պատվիրակությունը:
Ընդունելության ընթացքում Ցուխաու համայնքի ղեկավար դր. Յորն Վայներթը (Jörn Weinert), ողջունելով դեսպանին, գոհունակությամբ ընդգծեց երկու տարի առաջ համայնքների միջև հաստատված գործընկերությունից հետո հարաբերությունների ակտիվ և դինամիկ զարգացումը: Ողջույնի խոսքով հանդես եկավ նաև դեսպան Սմբատյանը, ով անդրադարձավ հայ-գերմանական ապակենտրոնացված համագործակցությանը՝ ընդգծելով, որ ցանկացած ծրագիր կարող է մնալ թղթի վրա, եթե չլինեն այն կյանքի կոչել ցանկացող ակտիվ գործիչներ: Ուստի, դեսպանը բարձր գնահատեց Յորն Վայներթի և Գլաձորի համայնքապետ Արմեն Մովսիսյանի երկկողմ ներդրումն այս հարցում:
Ելույթներ ունեցան նաև Սաքսոնիա-Անհալթ երկրամասի մշակույթի հարցերով պետքարտուղար դր. Գուննար Շելլենբերգերը (Gunnar Schellenberger), Բունդեսթագի՝ այդ ընտրատարածքի պատգամավոր Թինո Զորգեն (Tino Sorge), Մարտին Լյութերի անվան Հալլեի համալսարանի պրոֆեսոր դր. Հանս-Յոախիմ Սոլմսը և Երևանի Վ. Բրյուսովի անվան պետական լեզվահասարակագիտական համալսարանի պրոֆեսոր դր. Հարություն Ճանճապանյանը»:
