21.06.2026 | 12:06
Հունիսի 22-ին և 23-ին գազ չի լինելու մի շարք հասցեներում
Ուկրաինայի ԿԸՀ-ն հաշվարկել է նախագահական ընտրությունների քվեաթերթիկների 50.36%-ը
Քաղաքականություն
01.04.2019 | 10:45
Ուկրաինայի Կենտրոնական ընտրական հանձնաժողովը (ԿԸՀ) հաշվարկել է մարտի 31-ին անցկացված ընտրությունների քվեաթերթիկների 50.36%-ը: Ըստ այդմ՝ առաջատարներն են Վլադիմիր Զելենսկին և գործող նախագահ Պյոտր Պորոշենկոն, գրում է ուկրաինական Unian-ը:
Տվյալների համաձայն՝ Զելենսկին ստացել է 30.20% ձայն, Պորոշենկոն՝ 16.64%: Այսպիսով, նրանք անցնում են ընտրությունների երկրորդ փուլ:
Նախկին վարչապետ Յուլիա Տիմոշենկոն 13.08% ձայնով երրորդ տեղում է, Յուրի Բոյկոն ստացել է 11.53%, Անատոլի Գրիցենկոն՝ 7.11% ձայն:
Պորոշենկոն հայտարարել է, որ ընտրություններն ազատ են անցել, ԵԱՀԿ-ի չափանիշներին համաձայն: Յուլիա Տիմոշենկոյի շտաբն էլ Ուկրաինայի Անվտանգության ծառայությանը մեղադրել է ընտրակեղծիքների և սադրանքների համար, իսկ Տիմոշենկոն չի բացառել, որ չվիճարկի ընտրությունների արդյունքները:
Ուկրաինայի ԿԸՀ-ն հաղորդել է, որ քվեարկության ընթացքում որևէ լուրջ խախտում չի արձանագրվել, իսկ ՆԳՆ-ն հայտնել է ավելի քան 2.100 խախտման հաղորդման մասին, 39 քրեական գործ է հարուցվել:
