17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Բրիտանական խորհրդարանը երրորդ անգամ մերժեց Բրեքսիթը
Քաղաքականություն
29.03.2019 | 19:42
Բրիտանիայի խորհրդարանի ստորին պալատը քիչ առաջ մերժել է վարչապետ Թերեզա Մեյի ներկայացրած ԵՄ-ից դուրս գալու՝ Բրեքսիթի համաձայնագիրը։ Այս մասին հայտնում է Independent պարբերականը։ Պատգամավորներից դեմ է քվեարկել 344-ը, կողմ՝ 286-ը: Սա Թերեզա Մեյի ներկայացրած նախագծի երրորդ պարտությունն էր։
Թերեզա Մեյը նշել է, որ քվեարկությունը «ծանր» հետևանքներ կունենա։ Ըստ նրա՝ սա նշանակում է, որ Մեծ Բրիտանիան մինչև ապրիլի 12-ը Բրեքսիթի համար օրենսդրություն ստանալու բավարար ժամանակ չի ունենա։
Լեյբորիստական կուսակցության առաջնորդ Ջերեմի Քորբինը Թերեզա Մեյին կոչ է արել հրաժարական տալ և նոր ընտրություն նշանակել։
Հիշեցնենք, որ ԵՄ ղեկավարների հետ բանակցություններից հետո Մեծ Բրիտանիայի վարչապետ Թերեզա Մեյին հավելյալ երկու շաբաթ էր տրվել՝ Բրեքսիթի համար լուծում առաջարկելու նպատակով։ Եվրախորհրդի նախագահ Դոնալդ Տուսկը նշել էր, որ եթե Մեյը խորհրդարանի միջոցով կարողանա հասնել Բրեքսիթին, ապա ժամկետը կերկարացվի մինչև մայիսի 22-ը, որպեսզի ժամանակ տրվի ընդունել համապատասխան օրենսդրությունը։ Իսկ եթե Մեյին չհաջողվի համաձայնագրին հասնել, Մեծ Բրիտանիան ստիպված կլինի առաջարկել Բրեքսիթը մինչև ապրիլի 12-ը հետաձգելու տարբերակը։
Նելլի Մելքոնյան
