13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
ԱԱ. Կարեն Ասլանյանը հաղթեց ադրբեջանցի Կամրան Մամադովին, նա կպայքարի բրոնզե մեդալի համար
22.08.2017 | 20:48
Փարիզում ընթացքող ըմբշամարտի աշխարհի առաջնությունում հունահռոմեական 66 կգ քաշային կարգում Կարեն Ասլանյանը կպայքարի բրոնզե մեդալի համար: Ասլանյանը սփոփիչ գոտեմարտում հաղթեց ադրբեջանցի Կամրան Մամադովին:
Ասլանյանը պայքարը սկսել էր 1/16 եզրափակչից, որտեղ առավելության էր հասել եգիպտացի Աբուհալիմա Էլսաիդ Աբուհալիմայի նկատմամբ: 1/8 եզրափակչում հայ ըմբիշը հաղթել էր հունգարացի Մատե Կրաժնային, քառորդ եզրափակչում պարտվել կորեացի Հանսու Ռյուին, հետո ստացել սփոփիչ գոտեմարտի հնարավորություն:
59 կգ քաշային Վազգեն Խաչատրյանը որակավորման փուլում առավելության էր հասել ԱՄՆ-ի ներկայացուցիչ Իլդար Հաֆիսովի նկատմամբ: Սակայն, հայ ըմբիշը 1/8 եզրափակչում զիջել էր ճապոնացի Կենիչիրո Ֆումիտային: Խաչատրյանը նույնպես սփոփիչ գոտեմարտի հնարավորություն ստացավ, բայց չկարողացավ հաղթել լիտվացի Յուստաս Պետրավիսիուսին եւ դուրս մնաց մեդալի համար պայքարից:
Այսօր երեկոյան Ասլանյանը կգոտեմարտի երրորդ տեղի, իսկ Մաքսիմ Մանուկյանը՝ աշխարհի չեմպիոնի կոչման համար:
