17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Իսրայելական օդուժը հարվածել է Հալեպին
Քաղաքականություն
28.03.2019 | 14:26
Սիրիայի զինվաժ ուժերը հայտարարել են, որ Իսրայելը հարվածել է Հալեպից հյուսիս ընկած արդյունաբերական գոտուն: Այլ աղբյուրներ էլ նշում են, որ հարվածներն իրանական զինամթերքի խանութների և Թեհրանի զորքերի կողմից օգտագործվող ռազմական օդանավակայանի ուղղությամբ են եղել: Այս մասին հայտնում է Al Jazeera-ն:
Իսրայելի օդուժի թիրախում եղել է քաղաքի հյուսիս-արևելյան Շեյխ-Նաջար շրջանը: Հարձակման հետևանքով Հալեպում էլեկտրամատակարարումը խափանվել է:
Իսրայելցի զինվորականները հրաժարվել են մեկնաբանել Հալեպում տեղի ունեցածը: «Մենք չենք մեկնաբանում արտասահմանյան ԶԼՄ-ների հաղորդագրությունները»,- հայտարարել է Իսրայելի պաշտպանական բանակի մամուլի ծառայության ներկայացուցիչը:
Սիրիական պետական SANA գործակալությունը հայտնել է, որ հարձակման հետևանքով վնասը միայն նյութական է, մինչդեռ իսրայելական Jerusalem Post-ը հաղորդել է Հալեպում 7 զոհի մասին:
Նելլի Մելքոնյան
