17.01.2026 | 18:34
Մահացել է դերասանուհի Զառա Արամյանը
Նոր Հայաստանում համալսարան ղեկավարելը բոլորովին ուրիշ առաքելություն է․ ոնց ուզում եք գնահատեք․ Փաշինյան․ ՏԵՍԱՆՅՈՒԹ
Քաղաքականություն
27.03.2019 | 17:55
Մեր բուհական համակարգը չի համապատասխանում այն մարտահրավերներին և այն չափանիշներին, որոնք այսօր առկա են աշխարհում։ Մեր բուհական համակարգում տիրում է արխաիկ մթնոլորտ։
Այս մասին այսօր Ազգային ժողովում ասաց վարչապետ Նիկոլ Փաշինյանը՝ հիշեցնելով, որ ՀՀ-ում անկախության հռչակումից ի վեր բուհերը եղել են իշխանության ձեռքին բութ գործիք՝ ուսանողության շրջանում ստեղծարար նախաձեռնությունները խեղդելու, ուսանողների սոցիալական վիճակը որպես քաղաքական գործիք օգտագործելու և բուհերը կուսակցական մաս դարձնելու համար։
«Երևանի պետական համալսարանը գումարներ էր փոխանցում Երիտասարդական հիմնադրամին, որը գտնվում էր ՀՀԿ-ի հսկողության տակ և ուսանողներին օգնություն էր տալիս՝ կախված այն հանգամանքից, թե նա ինչ վերաբերմունք ունի ՀՀԿ-ի նկատմամբ և ինչքան է պատրաստ ծափահարել ՀՀԿ-ին։ Ես կարող եմ ասել, որ այս հեղափոխությունը սկսել է ԵՊՀ-ի դռները բացելով և այդպես էլ շարունակվելու է։ Այն ռեկտորը, որը չափահաս մարդու առաջ դուռ է փակում, այդ ռեկտորը անելիք չունի ՀՀ-ում․ ոնց ուզում եք գնահատեք՝ նուրբ է, կոշտ է, կոպիտ է, դա էդպես է։ Նոր Հայաստանում համալսարան ղեկավարելը բոլորովին այլ բան է»,- ասաց վարչապետը՝ նշելով, որ այս հարցում Կառավարությունն ունի օրինական լծակներ և չի դիմի անօրինական միջոցների։
Մանրամասները՝ տեսանյութում։
Աղավնի Սուքիասյան
