05.07.2026 | 01:14
«Ուիմբլդոն». Կարեն Խաչանովը դուրս է մնացել պայքարից
Որոշ օլիգարխներ նոր Հայաստանում որքա՞ն գումար են վճարում՝ պատասխանատվությունից խուսափելու համար․ Արման Բաբաջանյան․ ՏԵՍԱՆՅՈՒԹ
Քաղաքականություն
27.03.2019 | 17:27
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր խորհրդարանում վարչապետ Նիկոլ Փաշինյանից հետաքրքրվեց՝ նախորդ իշխանության շրջանում որոշ օլիգարխներ, որոնք նոր Հայաստանում շարունակում են իրենց գործունեությունը, որքա՞ն գումար են վճարում՝ իրենց նկատմամբ որոշակի պատասխանատվության միջոցներ չկիրառելու համար և արդյոք սահմանափակվում են միանվագ վճարումով։
«Բարձրաստիճան մի շարք պաշտոնյաներ նոր Հայաստանում անարգել շարունակում են իրենց աշխատանքը: Նրանցից ոմանք ինչ-որ գումարներ են նվիրաբերել պետությանը: Հետաքրքիր է՝ որքա՞ն գումարով է վերջանում նրանց պատասխանատվությունը: Կարո՞ղ ենք արձանագրել, որ միայն գումարների վերադարձը բավարար է, որ այդ շրջանակի ներկայացուցիչներին պատասխանատվությունից ազատված համարենք»,- ասաց Բաբաջանյանը:
Հարցին ի պատասխան վարչապետն ասաց․ «Սահմանը օրենքն է, իսկ այդ օրենքները ընդունում եք դուք՝ Ազգային ժողովը, և այն օրենքները, որոնք կընդունվեն առաջիկայում, այդ կապակցությամբ դրանք էլ կդառնան սահմանը։ Օրինակ՝ անցումային արդարադատության սահմանը գծելու եք դուք՝ պատգամավորներդ»:
Մանրամասները՝ տեսանյութում։
Աղավնի Սուքիասյան
