28.09.2026 | 11:42
Հայաստանի և Իրանի ներկայացուցիչները քննարկել են բեռնափոխադրման խոչընդոտները
Քվեարկությունը զրկեց Թերեզա Մեյին Եվրամիությունից դուրս գալու բանակցություններ վարելու իրավունքից
Քաղաքականություն
26.03.2019 | 22:48
Բրիտանիայի խորհրդարանում անցած քվեարկությունը զրկեց երկրի վարչապետ Թերեզա Մեյին Եվրամիությունից դուրս գալու բանակցություններ վարելու իրավունքից: Գործընթացի ամբողջ պատասխանատվոթյունն իր վրա ստանձնեց խորհրդարանը: Հատկանշական է, որ խորհրդարանականներին միացան Մեյի կառավարության երեք նախարարներ, որոնք քվեարկելուց առաջ հրաժարական տվեցին. գրում է VOA-ն:
Ընդդիմադիր լեյբորիստական կուսակցության առաջնորդ Ջերեմի Քորբինը քվեարկության արդյունքներից գոհ է. նրա խոսքով, վարչապետը խոչընդոտում էր բանակցությունների ընթացքը.
«Անհեթեթ է մեղադրել խորհրդարանին ժողովրդավար գործընթացին միջամտելու մեջ: Խորհրդարանն անում է ժողովրդավարությամբ ամրագրված իր դերը՝ ապահովելով կառավարության պատասխանատվությունը»:
Վարչապետ Մեյն իր կողմից նշում է, որ անկախ ճանապարհից, անհրաժեշտ է ապահովել Բրիտանիայի քաղաքացիների պահանջը՝ դուրս գալ Եվրամիությունից.
«Բրեքզիթի երաշխիքներից մեկն այն կլիներ, որ մենք երաշխավորեինք, որ մայիսի 22-ին դուրս ենք գալու Եվրամիությունից»:
Բրիտանիայում 2016-ին անցած հանրաքվեի ընթացքում քաղաքացիների մեծամասնությունը քվեարկել էր Բրեքզիթի՝ Եվրամիությունից դուրս գալու օգտին, սակայն, խորհրդարանականներից շատերը հավատացած են, որ հնարավոր է՝ մեծամասնության կարծիքը փոխվել է այս տարիների ընթացքում: Այժմ խոսքը գնում է այսպես կոչված «մեղմ» Բրեքզիթի մասին, որի արդյունքում Բրիտանիան, դուրս գալով ԵՄ-ից, այնուամենայնիվ սերտ կապեր կպահպանի կազմակերպության հետ: Որոշ ուժեր սակայն առաջարկում են ընթանրապես մոռանալ հանրաքվեի արդյունքների մասին եւ մնալ Եվրամիության անդամ:
