05.07.2026 | 01:14
«Ուիմբլդոն». Կարեն Խաչանովը դուրս է մնացել պայքարից
Միջազգային հանրությանը պետք է ցույց տանք այն պետության դեմքը, որի հետ այսօր բանակցում ենք․ Արման Աբովյան․ ՏԵՍԱՆՅՈՒԹ
Քաղաքականություն
26.03.2019 | 17:28
Ազգային ժողովի «Բարգավաճ Հայաստան» խմբակցության պատգամավոր Արման Աբովյանն այսօր խորհրդարանում անդրադարձավ Մարաղայի ցեղասպանության 27-րդ տարելիցին և նշեց, որ այդ ոճրագործության կապակցությամբ ակնկալում է Ազգային ժողովի հայտարարությունը։
«Այս տարի ապրիլի 10-ին լրանում է Մարաղայի կոտորածի 27 տարին։ Անպայման անհրաժեշտ եմ համարում, որ այս հարցի շուրջ լինի թե՛ ԱԺ-ի հատուկ հայտարարություն, թե՛ միջոցառումներ, որոնք մեզ թույլ կտան ևս մեկ անգամ միջազգային հանրությանը ցույց տալ այն պետության իրական դեմքը, որի հետ մենք այսօր փորձում ենք բանակցել և հասնել որոշակի համաձայնությունների»,- խորհրդարանում հայտարարությունների ժամին ասաց պատգամավորը։
Վերջինիս դիտարկմամբ՝ շատ հաճախ հայկական կողմի մարդասիրական կեցվածքն ընկալվում է որպես թուլություն, մինչդեռ ինչպես մեր այդ կեցվածքի, այնպես էլ Մարաղայի ցեղասպանության մասին պետք է բարձրաձայնել նաև միջազգային հարթակներում։
Մանրամասները՝ տեսանյութում։
Աղավնի Սուքիասյան
