«Էսօր ով չալարի՝ կարող է Ռոբերտ Քոչարյանին բաց նամակ գրել. ժամանակին գրեիք». Արամ Սարգսյան. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

«Հանրապետություն» կուսակցության նախագահ Արամ Սարգսյանը Factor.am-ի հետ զրույցում անդրադառնալով պաշտպանության նախկին փոխնախարար Վահան Շիրխանյանի՝ Ռոբերտ Քոչարյանին ուղղած աղմկահարույց նամակին, ասաց, որ  անթույլատրելի է համարում «ինտրիգային տարբեր խնդիրներով Վազգեն Սարգսյանի անունը շահարկելը»:

«Վազգենն ինձ էս ասաց, Վազգենն ինձ էն ասաց, էդ բաները իմը չեն, ես էդ դաշտ չեմ մտնելու»,- հայտարարեց Արամ Սարգսյանը՝ հավելելով. «Վազգենը տեսակետներ ասող մարդ է եղել, և կարող էր էդ տեսակետները Քոչարյանին ուղիղ ասել, որևէ մեկի ականջին կամ առանձին ասելու խնդիրներ չեմ տեսնում»:

Նշենք, որ Վահան Շիրխանյանը հարցաքննվել է Հատուկ քննչական ծառայությունում և պնդել նամակում ասածները: «Էսօր ով չալարի՝ կարող է Ռոբերտ Քոչրյանին նամակ գրել, ժամանակին գրեիք: Երբ որ Մուշեղ Սաղաթելյանն այդ առիթով նստում էր, այդ ժամանակ էր պետք այդ փաստարկները բերել»,- հայտարարեց Սարգսյանը։

Հարցին, թե երբ ինքը Հոկտեմբերի 27-ից հետո վարչապետ էր նշանակվում, իրեն հայտնի դարձե՞լ է, որ, օրինակ, Նաիրի Հունանյանը ԱԱԾ գործակալ է, Սարգսյանն ասաց. «Իհարկե՝ հայտնի դարձել են նման փաստերը, այդ փաստերը մամուլում գրվել են»:

Նա նաև հավելեց, որ միակ պաշտոնյան, որը կարող է հաստատել կամ հերքել դա, այդ ժամանակ գործը վարող զինդատախազ Գագիկ Ջհանգիրյանն է:

Ինչ վերաբերում է Հոկտեմբերի 27-ի գործի վերաբացման հնարավորությանը, Սարգսյանն ասաց. «Եթե պիտի էլի ստուգեն ու գան, արտաքին քաղաքական վարկածին հասնեն ու այդտեղ կանգնեն, ես ժամանակին ասել եմ, որ դա պետք է անի ուժեղ պետությունը»: Նա հիիշեցրեց Ռուսաստանի ԱԱԾ պաշտոնյա Լիտվինենկոյի հայտարարությունը թունավորումից հետո, որ Հոկտեմբերի 27-ն իրականացրել են  ռուսական գաղտնի ծառայությունները: «Այս վարկածը ստուգելո՞ւ ենք, թե՞ չէ: Այսօրվա մեր պետությունը չունի այդ հզորությունը՝ այդ դաշտ մտնելու»,- հայտարարեց Արամ Սարգսյանը:

1998 թվականին Ռոբերտ Քոչարյանի շտաբի պետը Վլադիմիր Մովսիսյանն էր, իսկ քարոզչության պատասխանատուն՝ Վահան Շիրխանյանը, ով նամակում  բացահայտումներ է արել Քոչարյանի ընտրության մասին՝ գրելով. «1998թ., 30-ը մարտի, նախագահական ընտրությունների 2-րդ փուլ: Բացառապես Վազգեն Սարգսյանի խոսքին տրված 27 տոկոս քվեն դարձրիր քեզ համար 59 տոկոս և քեզ հռչակեցիր ՀՀ նախագահ, իսկ 73 տոկոս ստացած Կարեն Դեմիրճյանին «մեծահոգաբար» տվեցիր 41 տոկոս՝ խոստանալով նաև վարչապետի պաշտոնը՝ Վազգենի պահանջով։ Եվ, իհարկե, խաբեցիր, ինչպես միշտ»:

Այսօր մեկնաբանություններ կան, որ նաև Վազգեն Սարգսյանի հովանավորությամբ էր հնարավոր եղել այդ կեղծիքը: «Ընտրությունը Վազգեն Սարգսյանի ու Կարեն Դեմիրճյանի մեջ չէր: Եթե ընտրությունը Վազգեն Սարգսյանի ու Կարեն Դեմիրճյանի մեջ լիներ, Վազգեն Սարգսյանը 0 խախտում կաներ: Վազգեն Սարգսյանը խախտում անող մարդ չի, նա այդպիսին չի եղել։ Իր սիրած հայրենիքն այդ չի եղել: Հակասությունը Ռոբերտ Քոչարյան և Կարեն Դեմիրճյան է եղել»,- նշեց Արամ Սարգսյանը:

Դիտարկմանը, թե Վազգեն Սարգսյանը չի ընդվզել այդ կեղծիքի դեմ, Արամ Սարգսյանը տարակուսանք հայտնեց. «Ընդվզել է, չի ընդվզել, այս ինչ դաշտեր ենք մտնում… Մարդը եթե որևէ մեկին պաշտպանում էր, պարտադիր պետք է կեղծիքնե՞ր աներ»:

Վազգեն Սարգսյանի 60-ամյակի առթիվ Արամ Սարգսյանը վերջերս Արցախում էր, այնտեղ էր նաև Սերժ Սարգսյանը: Հարցին՝ շփվե՞լ են իրար հետ, Արամ Սարգսյանը դրական պատասխանեց՝ ասելով, որ զրույցներ ունեցել է Սերժ Սարգսյանի հետ Արցախում:

Ինչ վերաբերում է նամակում նշված՝ Մեղրիի տարբերակով Ղարաբաղի հարցը լուծելուն, Արամ Սարգսյանի խոսքով՝ այդ փաստը վաղուց կա, և ինքը միակն է, որ այդ տարբերակի մասին ցուցմունք է տվել Հոկտեմբերի 27-ի գործի անջատված մասով անմիջապես նախաքննության ընթացքում:

«Ռոբերտ Քոչարյանն իմ վարչապետության շրջանում Մեղրիի փոխանակման հարցը Անվտանգության խորհրդում քննարկել է, ինչի մասին ես ցուցմունք եմ տվել»,- ասաց Արամ Սարգսյանը:

 

Հարցազրույցն ամբողջությամբ՝ տեսանյութում:

Մարինե Խառատյան