28.09.2026 | 11:11
ՏԻՄ ընտրությունների օրը ՆԳՆ 112 հեռախոսահամարին հանցագործությունների վերաբերյալ ահազանգ չի ստացվել
Միգրանտների ևս մեկ խոշոր քարավան Մեքսիկայի տարածքով ԱՄՆ է ուղևորվում. ոստիկանների հետ միջադեպ է գրանցվել
Քաղաքականություն
25.03.2019 | 20:48
Կենտրոնական Ամերիկայի երկրներից միգրանտների ևս մեկ խոշոր քարավան Մեքսիկայի տարածքով դեպի ԱՄՆ է ուղևորվում: Այս մասին գրում է ՌԻԱ Նովոստին՝ վկայակոչելով Noticias 24-ը:
Միգրանտների խմբում, ընդհանուր առմամբ, շուրջ 1.200 մարդ կա: Նրանք մոտ երկու ամիս անցկացրել են մեքսիկական սահմանային Տապաչուլա քաղաքում՝ ամերիկյան սահման ուղևորվելու համար: Որոշ տվյալներով՝ քարավանում նաև Կուբայի քաղաքացիներ կան:
Միաժամանակ, Մեքսիկայում արդեն ավելի քան միգրանտ է ձերբակալվել: Մեքսիկական ոստիկանությունը Տամաուլիպաս նահանգի Ռեյնոսա սահմանամերձ քաղաքում միգրանտներով լի մի քանի բեռնատար է կանգնեցրել: Երբ նրանց իջեցրել են մեքենաներից, անհայտ անձինք կրակ են բացել ոստիկանների ուղղությամբ:
Փոխհրաձգության արդյունքում հարձակվողներից մեկը սպանվել է: Դեպքի վայրում Գվատեմալայից 51, Հոնդուրասից՝ 47 և Սալվադորից 9 միգրանտ է ձերբակալվել:
Վերջին անգամ մեծ թվով միգրանտներ Հոնդուրասից ԱՄՆ են ուղևորվել հունվարին: Այն ժամանակ քարավանում շուրջ 400 մարդ կար:
Կենտրոնական Ամերիկայի երկրների բնակիչները սկսել են Մեքսիկայի տարածքով ԱՄՆ-ի սահման շարժվել անցյալ տարվա աշնանից: Արդյունքում ԱՄՆ-ի հետ սահմանին, տարբեր տվյալներով, 6-9 հազար մարդ է կուտակվել: Միացյալ Նահանգներն այնտեղ հազարավոր զինծառայողների են ուղարկել՝ անվտանգության ապահովման համար:
