18.10.2026 | 15:28
Հայաստանում ձմեռային զորակոչը կմեկնարկի նոյեմբերի 16-ին․ հայտնի են զորակոչի և զորացրման ժամկետները
Իսրայելը հրթիռակոծությունից հետո լրացուցիչ ուժեր է մոտեցնում Գազայի հատվածին
Քաղաքականություն
25.03.2019 | 19:28
Իսրայելի պաշտպանության բանակը լրացուցիչ ուժեր է մոտեցնում Գազայի հատվածին: Այստեղ պահեստայինների սահմանափակ մոբիլիզացիա են սկել՝ Իսրայելի կենտրոնական հատվածի հրթիռակոծությունից հետո: Այս մասին գրում է ՏԱՍՍ-ը:
«Այսօր առավոտյան 5:25-ի սահմաններում Գազայի հատվածի հարավային մասից՝ Ռաֆահ քաղաքի շրջանից հրթիռ է արձակվել, որն ընկել է Իսրայելի կենտրոնական հատվածի Միշմերեթ բնակավայրի բնակելի տան վրա: Հրթիռի հեռահարությունը կազմել է շուրջ 120 կմ: Այսինքն՝ խոսքը լուրջ միջադեպի մասին է»,- ասել է գործակալության զրուցակիցը:
ՊԲ պաշտոնական ներկայացուցիչ Ավիխայ Էդրին հայտարարել է, որ հրթիռն արձակվել է ՀԱՄԱՍ-ի անդամների կողմից: «ՀԱՄԱՍ-ն է կրում պատասխանատվությունն այն ամենի համար, ինչ կատարվում է Գազայի հատվածում կամ արձակվում է այդ տարածքից»,- Twitter-ում գրել է Էդրին:
Նշենք, որ հրթիռակոծության հետևանքով 7 իսրայելցի տարբեր աստիճանի վնասվածքներով հոսպիտալացվել է: Վիրավորների թվում նաև երեխաներ կան:
