17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԱՄՆ հատուկ դատախազը Թրամփի նախընտրական շտաբի և Մոսկվայի միջև կապ չի գտել
Քաղաքականություն
25.03.2019 | 12:28
2016 թվականի ԱՄՆ նախագահական ընտրությունների հանգամանքները հետաքննող հատուկ դատախազ Ռոբերտ Մյուլլերը հաստատել է, որ Դոնալդ Թրամփի նախընտրական շտաբի և Մոսկվայի միջև կապ չի եղել: Այս մասին գրում է Politexpert-ը:
Մյուլլերի խոսքով՝ Թրամփը որևէ հանցագործություն չի կատարել ո՛չ նախընտրական արշավի ժամանակ, ո՛չ էլ քվեարկության ընթացքում:
Նշենք, որ երկու տարի տևած հետաքննության արդյունքում չեղարկվել են Թրամփի հետ կապված բոլոր կասկածները: Մեղադրանք չի առաջադրվել նաև ռուսական կողմին:
Արձագանքելով տեղեկությանը՝ ԱՄՆ նախագահ Դոնալդ Թրամփը գրել է, որ «ռուսական գործով» հատուկ դատախազ Ռոբերտ Մյուլլերի հետաքննության արդյունքներն ամբողջությամբ արդարացնում են իրեն:
«Դավադրության ապացույցներ չկան, արդարադատությանը խոչընդոտելու ապացույցներ չկան»,- գրել է Թրամփը:
Հիշեցնենք, որ Մոսկվայի հետ Թրամփի դավադրության մասին մեղադրանքներն առաջին անգամ հնչեցին 2016 թվականի նախագահական ընտրություններում նրա հաղթանակից հետո: Դեմոկրատական կուսակցությունը, որի թեկնածու Հիլարի Քլինթոնն ընտրություններում պարտվեց, հայտարարեց, որ Ռուսաստանն ազդել է քվեարկության արդյունքների վրա, և հետաքննություն նախաձեռնեց: Մոսկվան իր հերթին բազմիցս հերքել է այս մեղադրանքը՝ այն ԱՄՆ-ում ներքին պայքար կոչելով:
