30.05.2026 | 10:27
ՌԴ-ն Կոպիրկինին կանչել է Մոսկվա՝ ՀՀ–ԵՄ մերձեցման պատճառով
Նազարբաևն անձամբ է զանգահարել Պուտինին նախքան Ղազախստանի նախագահի պաշտոնից հրաժարական տալը. Պեսկով
Քաղաքականություն
24.03.2019 | 19:54
Նուրսուլթան Նազարբաևն անձամբ է զանգահարել Ռուսաստանի նախագահ Վլադիմիր Պուտինին նախքան Ղազախստանի նախագահի պաշտոնից հրաժարական տալը. հայտարարել է ՌԴ նախագահի մամլո քարտուղար Դմիտրի Պեսկովը, գրում է interfax.ru-ն:
«Այո, Նուրսուլթան Աբիշևիչն ինքն է զանգահարել: Նրանք հաճախակի են հեռախոսով զրուցում, դա միշտ է այդպես եղել վերջին տարիներին: Եվ նա զանգահարել է հայտարարություն անելուց ժամեր առաջ», – ասել է Պեսկովը:
Վերջինս ընդգծել է, որ Ռուսաստանի և Ղազախստանի միջև հարաբերությունները բարձր մակարդակով կշարունակվեն առաջիկայում. «Ղազախստանը Ռուսաստանի շատ կարևոր գործընկերն է, ուստի կասկած չկա, որ առաջիկայում էլ հարաբերությունները կծավալվեն բարձր մակարդակով»:
Նշենք, որ Նազարբաևը հայտարարել էր երկրի նախագահի լիազորությունները վայր դնելու մասին:
