10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Զորամասում մահացած կապիտանը գրություն է թողել
Հասարակություն
21.08.2017 | 20:16
Մեղրիում իր իսկ աշխատասենյակում մահացած կապիտանը դրական է բնութագրվել ծառայության վայրում:
«Փաստինֆո»-ի տեղեկություններով՝ զինծառայողի մահվանից հետո գրություն է հայտնաբերվել, որտեղ նա խնդրել է ոչ մեկին չմեղադրել, նշելով, որ ոչ ոք մեղավոր չէ և որ գիտակցում է, թե ինչ է անում:
1991թ. ծնված Անդրանիկ Մկրտչյանը, մեր տեղեկություններով, նախկին դատախազ Աշոտ Մկրտչյանի բարեկամն է:
Երիտասարդը դրական է բնութագրվել ինչպես ծառայության վայրում, այնպես էլ՝ շրջապատի կողմից:
Ավելին, հայտնի է դարձել նաև, որ խնդիրներ և պարտքեր չի ունեցել, իսկ թե ինչու է դիմել այդ քայլին, դեռևս պարզ չէ:
Ավելի վաղ տեղեկացրել էինք, որ դեպքը տեղի է ունեցել երեկ՝ ժամը 16.20-ի սահմաններում. զինծառայողին զորամասի իր աշխատասենյակում հայտնաբերել են ծնոտի շրջանում հրազենային վնասվածքով։
Նախնական տվյալներով՝ մահացու հրազենային վնասվածքը պատճառվել է Ա.Մկրտչյանին ամրակցված ինքնաձիգից։
Քննչական կոմիտեն էլ տեղեկացրել է, որ նախապատրաստված նյութերում առերևույթ առկա են ՀՀ քրեական օրենսգրքի 110-րդ հոդվածի առաջին մասով նախատեսված հանցագործության հատկանիշները մատնանշող տվյալներ, ուստիև՝ 9-րդ կայազորային քննչական բաժնում հարուցվել է քրեական գործ` ՀՀ քրեական օրենսգրքի 110-րդ հոդվածի առաջին մասով: Ստեղծվել է քննչական խումբ, և ձեռնարկվում են անհրաժեշտ քննչական գործողություններ՝ մահվան բոլոր հանգամանքները պարզելու ուղղությամբ:
