03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Ղազախստանի նախագահը հրաժարական է տվել
Քաղաքականություն
19.03.2019 | 17:23
Ղազախստանի նախագահ Նուրսուլթան Նազարբաևը հրաժարական է տվել, գրում է ՌԻԱ Նովոստին:
«Ես որոշել եմ դադարեցնել լիազորություններս»,- հանրապետական հեռուստաալիքներով դիմելով ժողովրդին՝ ասել է Նազարբաևը: Մինչև նախագահական ընտրությունները պետության ղեկավարի պարտականությունները կկատարի Սենատի խոսնակ Քասըմ-Ժոմար Տոկաևը:
Նազարբաևը, միաժամանակ, տեղեկացրել է, որ կշարունակի ղեկավարել Ղազախստանի Անվտանգության խորհուրդը:
«Այս բոլոր տարիներին դուք վստահել եք ինձ: Երջանկություն էր ժողովրդին ծառայելը: Գլուխ եմ խոնարհում և շնորհակալություն հայտնում: Շարունակելու եմ մնալ Անվտանգության խորհրդի և «Նուր Օթան» կուսակցության ղեկավարը»,- ասել է Նազարբաևը:
Նշենք, որ Նուրսուլթան Նազարբաևը Ղազախստանը ղեկավարում էր 1990 թվականին: 2015-ին նա այս պաշտոնում վերընտրվեց 5-րդ ժամկետով:
