Հրաչյա Հարությունյանը հայտարարում է՝ ռուսական բանտում պատիժը կրել է պատժախցում

Էրեբունի և Նուբարաշեն վարչական շրջանների ընդհանուր իրավասության դատարանում Աննա Դանիբեկյանի նախագահությամբ այսօր քննվում է Հրաչյա Հարությունյանի գործով Արդարադատության նախարարության Քրեակատարողական վարչության ներկայացրած միջնորդությունը՝ ռուսական դատարանի վճիռը ճանաչելու վերաբերյալ:

Հիշեցնենք՝ Արդարադատության նախարարության Քրեակատարողական վարչությունը Հրաչյա Հարությունյանի հարցով միջնորդություն է ներկայացրել Նուբարաշեն և Էրեբունի վարչական շրջանների ընդհանուր իրավասության դատարան, որպեսզի ռուսական դատարանի վճիռը ճանաչվի: Դատարանում, պատասխանելով լրագրողների հարցերին, Հրաչյա Հարությունյանը հայտարարեց` ռուսաստանյան բանտում ինքը ճնշումների չի ենթարկվել: Հարությունյանը, սակայն, նշեց, որ պատիժը կրել է պատժախցում:

Նրա ներկայացմամբ` պատճառը եղել է այն, որ ինքը հրաժարվել է ճաշարան գնալ: «Իբր ճաշարան չեմ գնացել, բայց դա այդպես չէ»,- հայտարարեց Հարությունյանը:

Հիշեցնենք՝ Ռուսաստանի Դաշնությունում դատապարտված Հրաչյա Հարությունյանը հուլիսի 20-ին տեղափոխվել է Հայաստանի Հանրապետություն՝ «Դատապարտյալների փոխանցման մասին» 1983թ. եվրոպական կոնվենցիայով սահմանված կարգով պատժի մնացած մասը կրելու համար: Հարությունյանը «Կամազ» մակնիշի մեքենայով 2013-ի հուլիսի 13-ին ՌԴ Պոդոլսկի շրջանի մերձակայքում բախվել էր մարդատար ավտոբուսին, ինչի հետևանքով զոհվել էր 18 մարդ: Մոսկվայի Տրոիցկի շրջանի դատարանի կողմից Հրաչյա Հարությունյանը դատապարտվել էր 6 տարի ու 9 ամիս ազատազրկման:

Շողիկ Գալստյան