14.11.2024 | 21:13
Կտրականապես մերժում ենք անհիմն տեսակետները․ Նիդերլանդների ԱԳՆ-ն արձագանքել է Ալիևի մեղադրանքներին
Հրաչյա Հարությունյանի գործով դատական նիստի օրը հայտնի է
Հասարակություն
15.08.2017 | 19:15
Ռուսաստանից Հայաստան տեղափոխված Հրաչյա Հարությունյանի գործով դատական առաջին նիստը տեղի կունենա օգոստոսի 18-ին՝ ժամը 15:00-ին, Էրեբունի և Նուբարաշեն վարչական շրջանների ընդհանուր իրավասության դատարանում: Այս մասին Factor.am-ի հետ զրույցում հայտնեցին ՀՀ ԱՆ ՔԿՎ լրատվական ծառայությունից՝ հավելելով, որ Հարությունյանը կմասնակցի դատական նիստին:
«Միայն մի պարագայում նա չի մասնակցի նիստին, եթե ինքն անձամբ ցանկություն չունենա»,- պարզաբանեցին ՔԿՎ լրատվական ծառայությունից:
Ավելի վաղ, Factor.am-ը հայտնել էր, որ Արդարադատության նախարարության Քրեակատարողական վարչությունը Հրաչյա Հարությունյանի հարցով միջնորդություն է ներկայացրել Նուբարաշեն և Էրեբունի վարչական շրջանների ընդհանուր իրավասության դատարան, որպեսզի ռուսական դատարանի վճիռը ճանաչվի:
Հիշեցնենք՝ Ռուսաստանի Դաշնությունում դատապարտված Հրաչյա Հարությունյանը հուլիսի 20-ին տեղափոխվել է Հայաստանի Հանրապետություն՝ «Դատապարտյալների փոխանցման մասին» 1983թ. եվրոպական կոնվենցիայով սահմանված կարգով պատժի մնացած մասը կրելու համար: Հարությունյանը «Կամազ» մակնիշի մեքենայով 2013-ի հուլիսի 13-ին ՌԴ Պոդոլսկի շրջանի մերձակայքում բախվել էր մարդատար ավտոբուսին, ինչի հետևանքով զոհվել էր 18 մարդ: Մոսկվայի Տրոիցկի շրջանի դատարանի կողմից Հրաչյա Հարությունյանը դատապարտվել էր 6 տարի ու 9 ամիս ազատազրկման:
Շողիկ Գալստյան
