08.12.2025 | 20:24
Էրդողանը Ստամբուլում ընդունել է Օրբանին
Ինֆորմացիոն տեխնոլոգիաների ձեռնարկությունների միությունը սերտացնում է Իրանի հետ ՏՏ ոլորտի կապերը
Տնտեսություն
16.08.2017 | 12:31
Ինֆորմացիոն տեխնոլոգիաների ձեռնարկությունների միությունը (ԻՏՁՄ) ընդլայնում է միջազգային փոխհամագործակցության սահմանները՝ սերտացնելով տեղեկատվական տեխնոլոգիաների ոլորտի կապերը Իրանի հետ, տեղեկացնում են ԻՏՁՄ լրատվական ծառայությունից:
Իրանի Իսլամական Հանրապետությունում Հայաստանի Հանրապետության արտակարգ և լիազոր դեսպան Արտաշես Թումանյանը, ըստ աղբյուրի, օրերս այցելել է ԻՏՁՄ գրասենյակ: ԻՏՁՄ գործադիր տնօրեն Կարեն Վարդանյանի հետ քննարկվել են երկու երկրների համար ՏՏ ոլորտում արդիական խնդիրներն ու համագործակցության հեռանկարները:
Նշվում է, որ հաշվի առնելով Միության «Արմաթ» ինժեներական կրթության ծրագրի փորձն ու հաջողությունը, այդ թվում նաև միջազգային հարթակներում, Իրանում ՀՀ արտակարգ և լիազոր դեսպան Արտաշես Թումանյանն ու ԻՏՁՄ գործադիր տնօրեն Կարեն Վարդանյանը ձեռք են բերել պայմանավորվածություն կրթության ոլորտի ծրագրերին աջակցություն ցուցաբերելու շուրջ: Կողմերը նախաձեռնել են նաև համագործակցություն ՏՀՏ անվտանգության բնագավառում:
