02.05.2024 | 21:14
Նախկին կուսակցական լինելը չի նշանակում պոտենցիալ հանցագործ լինել․ Վահագն Հովակիմյան․ ՏԵՍԱՆՅՈՒԹ
Նախագահ Արմեն Սարգսյանը չի մասնակցի մարտի 1-ի երթին, բայց հարգանքի տուրք կմատուցի
Քաղաքականություն
25.02.2019 | 19:09
Հայաստանի Հանրապետության նախագահ Արմեն Սարգսյանի օրակարգում այս պահին նախատեսված չէ մասնակցություն մարտի 1-ի երթին: Այս մասին Factor.am-ի հետ զրույցում ասաց նախագահի օգնական Հասմիկ Պետրոսյանը:
«Հանրապետության նախագահ Արմեն Սարգսյանը 2008թ. մարտի 1-ի դեպքերը համարում է մեծ ողբերգություն մեր երկրի համար: Մարտի 1-ին հանրապետության նախագահն իր հարգանքի տուրքը կմատուցի Մարտի 1-ի զոհերի հիշատակին: Նախագահի օրակարգում այս պահին նախատեսված չէ մասնակցություն երթին»,- ասաց նախագահի օգնականը:
«Մարտի 1-ի իրադարձությունների 11-րդ տարին կնշանավորվի քաղաքացիական հզոր երթով՝ Ազատության հրապարակից մինչև Մյասնիկյանի հուշարձան»,- այս մասին ֆեյսբուքյան իր էջի ուղիղ եթերում հայտարարել էր վարչապետ Նիկոլ Փաշինյանը։
«Երթը նշանավորելու է այն հանգրվանը, որ Հայաստանի Հանրապետությունում քաղաքացու հաղթանակը և քաղաքացու իշխանությունն այլևս անշրջելի են, որ ՀՀ-ում այլևս չեն լինելու կեղծիքներ, որ մենք հստակ դեմ ենք կանգնում բռնությանը, քաղաքական բռնությանը, կոռուպցիային, ապօրինություններին, քաղաքական հետապնդումներին։ Այդ օրը մենք հարգանքի տուրք կմատուցենք 2008 թվականի մարտի 1-ի 10 զոհերին և ընդհանրապես՝ բռնության բոլոր զոհերին»,- նշել էր վարչապետը։
Նարեկ Կիրակոսյան
