19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Պատանի ձյուդոյիստներն անհաջող են հանդես եկել աշխարհի առաջնությունում
14.08.2017 | 19:47
Չիլիի մայրաքաղաք Սանտիագոյում կայացած ձյուդոյի պատանիների աշխարհի առաջնությունում Հայաստանի հավաքականն անհաջող է հանդես եկել:
Յուրի Իսրայելյանը (50 կգ քաշային կարգ) եւ Տիգրան Յաղուբյանը (60 կգ) պարտվել են մեկնարկային գոտեմարտերում: Արտյոմ Ղալաչյանը (60 կգ) ու Մամիկոն Ավետիսյանն (81 կգ) առաջին գոտեմարտերում հաղթել են, սակայն հաջորդում երկուսն էլ զիջել են մրցակիցներին:
«Արդյունքներից գոհ լինել չեմ կարող, քանի որ մեդալ չենք նվաճել: Տղաների պատրաստվածությունն այնքան էլ լավ չէր: Մենք այս տարի չէինք կարողացել միջազգային հավաքներ անցկացնել: Բացի այդ, Հայաստանի պատանի ձյուդոյիստներն աշխարհի առաջնությանն առաջին անգամ էին մասնակցում, ավելի լարված էին:
Մամիկոն Ավետիսյանն իր երկրորդ գոտեմարտում պարտվել էր աշխարհի ապագա չեմպիոնին: Հետո մոլդովացի մարզիկը հարցազրույցի ընթացքում նշել էր, որ շատ բարդ գոտեմարտ է ունեցել հայ ձյուդոյիստի հետ»,- ՀԱՕԿ լրատվականի հետ զրույցում նշեց հավաքականի ավագ մարզիչ Հակոբ Առաքելյանը:
