10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Կրակոցներ Երևանի Շահումյանի գերեզմանատանը. կա տուժած
11.08.2017 | 16:25
Երևանում կրակոցներ են հնչել: Այս մասին Factor.am-ի հետ զրույցում ասաց ՀՀ ոստիկանության լրատվական վարչության ԶԼՄ-ների հետ կապի բաժնի պետ Էդգար Ջանոյանը՝ հավելելով, որ ահազանգը ոստիկանությունը ստացել է օգոստոսի 10-ին՝ ժամը 10:45-ին:
«Արամյանց բժշկական կենտրոնից է հաղորդում ստացվել, որ հրազենային վերք ախտորոշմամբ 1987 թվականին ծնված մի տղամարդ դիմել է ԲԿ բուժօգնություն ստանալու համար»,-մանրամասնեց Ջանոյանը:
ՀՀ ոստիկանության լրատվական վարչության ԶԼՄ-ների հետ կապի բաժնի պետ տեղեկացրեց նաև, որ քաղաքացին հայտնել է՝ վնասվածքը ստացել է Շահումյանի գերեզմանատանը: Նշանակվել է դատաբժշկական փորձաքննություն, կատարվում նախաքննություն:
Ավելի վաղ, Shamshyan.com-ը գրել էր, որ վիրավորը Երևան քաղաքի Սարյան փողոցի բնակիչ՝ 30-ամյա Բարսեղ Գեգողլյանն է, ով բժիշկներին հայտնել է, որ հրազենային վնասվածքը ստացել է Շահումյանի գերեզմանատանը՝ անհայտ անձի կողմից իր նկատմամբ հարձակում կատարելու հետևանքով։
Շողիկ Գալստյան
