07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Այդպես ցանկացավ. Լիլիթ Մակունցը՝ Քրիստինա Պողոսյանի աղմկոտ հայտարարության մասին. ՏԵՍԱՆՅՈՒԹ
Տեսանյութեր
14.02.2019 | 15:29
Չեմ ուզում մեկնաբանել առանձին պատգամավորների տեսակետները: ԱԺ-ում լրագրողների հետ զրույցում այս մասին ասաց «Իմ քայլը» խմբակցության ղեկավար Լիլիթ Մակունցը՝ պատասխանելով հարցին, թե ինչպես է վերաբերվում «Իմ քայլը» խմբակցության պատգամավոր Քրիստինա Պողոսյանի հայտարարությանը, որ կողմ է լինելու կառավարության ծրագրին, եթե այնտեղ գրված լինի մեկ տող և դա լինի՝ «Ամեն ինչ լավ է լինելու»:
«Կարծում եմ, որ յուրաքանչյուր պատգամավոր ունի իր տեսակետը և այն հայտնելու իրավունքը: Առանձին պատգամավորների տեսակետները չեմ մեկնաբանում: Պատգամավորների էմոցիաների, արտահայտությունների հետ կապված մեկնաբանություն անելու ցանկություն չունեմ: Այդ պահին այդպես ցանկացավ խոսել և խոսեց: Դա խմբակցության դիրքորոշումը չէ»,- ասաց Մակունցը:
Հարցին, թե նման հայտարարությունները, որոնք հանրային լուրջ քննադատության են արժանանում, արդյո՞ք խմբակցության նիստերում քննարկվում են, պատգամավորներին զսպվածության կոչեր լինում են, Մակունցը պատասխանեց, որ նիստերի կամ խորհրդակցությունների ժամանակ նման մտքեր չեն հնչում:
Մանրամասները՝ տեսանյութում:
