10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ռուս զբոսաշրջիկները չեղարկում են Թուրքիա այցերը՝ կոկսակի վիրուսի պատճառով
Քաղաքականություն
08.08.2017 | 19:15
Ռուսները սկսել են դիմել զբոսաշրջային գործակալություններին՝ խնդրելով չեղարկել իրենց ուղևորությունները դեպի Թուրքիա, ինչի պատճառը կոկսակի վիրուսի մասին լուրերն են: Սակայն չեղարկումն առանց տուգանքի անհնար է, քանի որ վիրուսի տարածման մասին պաշտոնական հաղորդագրություն չկա. հայտնում է interfax.ru-ն:
«Զբոսաշրջիկները զանգում են գործակալություններ՝ խնդրելով չեղարկել տուրերը: Սակայն վերջիններս օրինական հիմքով մերժում են, քանի որ համաճարակի պաշտոնական հաստատումներ չկան, այդ թվում՝ «Ռոսպոտրեբնադզոր» դաշնային ծառայությունից կամ «Ռոստուրիզմից»: Տվյալ դեպքում զբոսաշրջիկները պարտավոր են տուգանք մուծել ուղևորությունն իրենց նախաձեռնությամբ չեղարկելու համար: Ընդ որում որքան մոտ է մեկնման օրը, այնքան մեծ է տուգանքը», – ասել է Ռուսաստանի զբոսաշրջային արդյունաբերության միության մամուլի քարտուղար Իրինա Տյուրինան:
