26.10.2026 | 18:38
Միրզոյանն ու Կոպմանը քննարկել են ՀՀ-ԵՄ գործընկերության օրակարգն ու տնտեսական կապերի խորացումը
ԵՐԵՎԱՆԻ ԺԱՄԱՆԱԿՈՎ. «Ես չեմ կարող այսօրվա Երևանի մասին երգ գրել». Արթուր Իսպիրյան
Հաղորդաշարեր
11.08.2017 | 15:30
«Եթե այսօր Երևանի մասին երգ գրելու լինեմ, իմ հիշողությունների մասին կգրեմ: Ես չեմ կարող այսօրվա Երևանի մասին երգ գրել, ինչի՞ մասին գրեմ` Հյուսիսային պողոտայի՞, բարձրահարկ շենքերի՞, խիտ հյուրանոցների՞. չեմ կարող, դուրս չի գալիս»,- խոստովանում է երգիչ Արթուր Իսպիրյանը` Factor.am-ի «Երևանի ժամանակով» զրուցաշարի շրջանակում:
«Բարև Երևան» դաշինքի ավագանու ցուցակում նախկինում ընդգրկված երգիչը նշում է, որ միշտ ուզեցել է ինչ-որ կերպ օգտակար լինել իր քաղաքին, իր բողոքը տեղ հասցնել. «Չստացվեց, ավագանու անդամ չդարձա: Ճիշտն ասած, չեմ էլ զղջում: Փոքր խնդիրներ լուծելու համար ավագանին կարողանում է որոշիչ լինել, բայց քաղաքաշինության մեջ գլոբալ առումով չի կարող արգելք հանդիսանալ ինչ-որ բանի, որովհետև ամբողջ համակարգը պետք է պայքարի, ոչ թե ավագանին»:
Անդրադառնալով մայրաքաղաքի հետ կապված ցավոտ հարցերին` մեր զրուցակիցը նշում է. «Ինձ համար ամենացավոտ հարցերից մեկը վերաբերում է Հաղթանակի այգուն, որն այսօր ի սպառ վերացվում է, սրճարանների պատճառով փոքրանում: Կարծես հատուկ է արվում, որ այգին չորանա, տեղում սեփական տներ կամ հյուրանոցներ կառուցեն»:
Մանրամասները` Factor.am-ի տեսանյութում:
Աննա Բաբաջանյան
