23.01.2026 | 17:01
Արտակ Բեգլարյանը՝ Արցախից Հայաստան տեղափոխված վերջին հայերի մասին
ՏԱՐԱԿԱՐԾԻՔ. «Դա կհանգեցնի երկու ոլորտների վնասմանը»․ Մշակույթի և ԿԳ նախարարությունների միավորումը՝ հակասությունների առիթ. ՏԵՍԱՆՅՈՒԹ
Քաղաքականություն
17.01.2019 | 19:30
ՀՀ կառավարությունը շրջանառության մեջ է դրել որոշման նախագիծ, որի համաձայն նախատեսվում է 17 նախարարություններից թողնել 12-ը։
Լուծարվելու է Սփյուռքի նախարարությունը։ Տրանսպորտի, կապի ու տեղեկատվական տեխնոլոգիաների նախարարությունը կդառնա կապի ու բարձր տեխնոլոգիաների նախարարություն։ Տնտեսական զարգացման ու ներդրումների և գյուղատնտեսության նախարարությունները կմիավորվեն։ Աշխատանքի ու սոցիալական հարցերի նախարարությունը կմիանա Տարածքային կառավարման ու զարգացման նախարարությանը։ Մշակույթի, Սպորտի ու երիտասարդության նախարարությունները կմիավորվեն Կրթության և գիտության նախարարությանը:
Արվեստագետների շրջանում մեծ հնչեղություն ստացավ հատկապես Մշակույթի նախարարությունը ԿԳ նախարարությանը միացնելու ծրագիրը:
Մշակույթի նախարարության աշխատակիցները բողոքի ակցիա իրականացրեցին նախարարության շենքի դիմաց: «Ոʹչ միացմանը» պահանջով նրանք պնդում էին, որ Մշակույթի նախարարությունը առանձին կառույց է, որը որևէ գերատեսչության հետ միավորել չի կարելի:
Ի վերջո՝ արդյոք ճի՞շտ որոշում է Մշակույթի, Սպորտի ու երիտասարդության և Կրթության և գիտության նախարարությունների միավորումը։ Այս հարցի շուրջ իրենց դիրքորոշումներն են ներկայացնում լեզվաբան Նարինե Դիլբարյանը և արվեստագիտության թեկնածու Արա Խզմալյանը։
Մանրամասները՝ տեսանյութում։
Անի Մնացականյան
