07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Ինչպես է ՊՎԾ-ն ԵՊՀ-ում 800 մլն դրամի չարաշահում հայտնաբերել և որ ոլորտներում են արձանագրվել խախտումները․ ՏԵՍԱՆՅՈՒԹ
Տնտեսություն
11.01.2019 | 14:51
Պետական վերահսկողական ծառայությունը ուսումնասիրություններ է կատարել Երևանի պետական համալսարանում և հայտնաբերել ավելի քան 800 մլն դրամի չարաշահում, ինչը ԵՊՀ հեղինակությունը վարկաբեկող հայտարարություն է համարում ռեկտոր Արամ Սիմոնյանը։
«Օրինակ ՝ 2015 թվականին ԵՊՀ-ում շինարարություն իրականացնելու համար հայտարարվել է գնումների ընթացակարգ, դրան մասնակցել է 9 անձ, մասնակիցներից 8-ը ներկայացրել է 210-279 մլն դրամի գնային առաջարկ՝ առանց ԱԱՀ-ի, մեկ անձ՝ 390 մլն դրամ։ Բոլոր մասնակիցների հայտերը մերժվել են՝ բացի 390 մլն դրամ ներկայացնող անձի հայտից։ Պետական վերահսկողական ծառայության կողմից կատարվել է ուսումնասիրություն՝ պարզելու 8 հայտերի մերժման հիմքերըը և պարզվել, որ այդ մերժումների գերակշիռ մասը եղել է ոչ հիմնավոր։ Շինարարության ծավալները ևս ուսումնասիրվել են և բացահայտվել է 24 մլն դրամի ծավալային հավելագրում, 17 մլն դրամի նախատեսված գներից թանկ գնով շինաշխատանքների իրականացում և գերշահույթ»,- այսօր հրավիրված մամուլի ասուլիսի ժամանակ ասաց ՊՎԾ սոցիալական ոլորտի վերահսկողության պետի պաշտոնակատար Դավիթ Ադիանը։
Վերջինս նշեց նաև, որ ՊՎԾ ուսումնասիրության արդյունքում հայնաբերվել են խախտումներ բուհական պահնորդական ծառայության իրականացման ոլորտում։
«Պահնորդական ծառայություն իրականացնողների համար նշվել են այնպիսի պահանջներ, որոնք համարվում են գնումների մասին օրենքի խախտումներ»,-ասաց նա՝ ներկայացնելով նաև այլ փաստեր։
Մանրամասները՝ տեսանյութում։
