12.12.2024 | 22:21
Թրամփը համաձայն չէ «հարյուրավոր մղոններ Ռուսաստանի խորքերի» ուղղությամբ հրթիռներ արձակելուն
«Ճշմարտանման է, որ կային դրդողներ». քաղտեխնոլոգը՝ «Ծառուկյան» դաշինքի «մանդատների պատմության մեջ» իշխանության մատը խառը լինելու մասին
Քաղաքականություն
04.05.2017 | 13:00
Քաղտեխնոլոգ Վիգեն Հակոբյանը լրագրողների հետ հանդիպմանն ասել է, որ հավանական է՝ մանդատից հրաժարվելու դիմումները հետ վերցրած «Ծառուկյան» դաշինքի 8 պատգամավորները մանդատ ստանալուց հետո լքեն խմբակցությունը ու հանդես գան որպես անկախ պատգամավորներ:
Վիգեն Հակոբյանը, սակայն, չի բացառել այն, որ մի մասը գուցե կարողանա լեզու գտնել Գագիկ Ծառուկյանի հետ. «Նման սցենար ես չեմ բացառում»:
Իսկ հնչած դիտարկմանը, թե իշխանության մատը գուցե խառն էր այս գործընթացում, քաղտեխնոլոգը նշել է. «Ճշմարտանման է, որ կային դրդողներ: Ընտրություններից առաջ ենթադրվում էր, որ իշխանությունը պետք է շահագրգիռ լինի այնպիսի ընդդիմության, որ ներկայացված կլինի խորհրդարանում, բայց մեծ խմբակցություն չի ունենա: Հիմա «Ծառուկյան» դաշինքի դեպքում փոքր-ինչ «պերեբոր» ստացվեց»:
Հիշեցնենք, որ ԿԸՀ-ն մայիսի 2-ին հրապարակել էր «Ծառուկյան» դաշինքի 23 պատգամավորների ինքնաբացարկի դիմումները: Հաջորդ օրը դաշինքի 12 պատգամավոր դիմել էր ԿՀԸ՝ դիմումները հետ վերցնելու պահանջով, որոնցից 8-ի դիմումը բավարարվել էր:
