02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Նիկոլ Փաշինյանն ԱԺ նախագահի ընդդիմադիր տեղակալի պաշտոնում ԲՀԿ-ականի է տեսնում
Քաղաքականություն
07.01.2019 | 18:31
Այսօր ԱԺ «Իմ քայլը» խմբակցության անդամները Նիկոլ Փաշինյանի գլխավորությամբ մի քանի ժամանոց նիստ անցկացրեցին, որն ավարտվեց մի քանի րոպե առաջ:
Նիկոլ Փաշինյանը լրագրողների հետ զրույցում, խոսելով ՔՊ խմբակցության նիստի մասին, ասաց, որ կառավարության կառուցվածքի մասին հարց չի քննարկվել: Նա նշեց, որ «Իմ քայլը» խմբակցության կանոնադրությունն են քննարկել:
Լրագրողի հարցին, թե ում է հակված տեսնել Ազգային ժողովի նախագահի ընդդիմադիր տեղակալի պաշտոնում, Նիկոլ Փաշինյանն ասաց. «Խմբակցությունում այդ հարցի քննարկմանը դեռ չենք հասել: Ինձ թվում է, որ պետք է սկզբունք գործի, ինստիտուցիոնալ սկզբունք: Այն խմբակցությունը, որն ավելի շատ ձայներ է ստացել ժողովրդի կողմից, նրա ներկայացուցիչն էլ պետք է փոխնախագահի պաշտոնը զբաղեցնի: Հակառակ դեպքում տրամաբանությունը չի հասկացվի»:
Նիկոլ Փաշինյանի խոսքերից ենթադրելի է, որ նա այդ պաշտոնում ցանկանում է տեսնել ԲՀԿ-ականի, քանի որ ԱԺ 2-րդ ամենամեծ ուժը ԲՀԿ-ն է: Այն ունի 26 պատգամավոր: Երրորդ ուժը «Լուսավոր Հայաստան» կուսակցությունն է՝ 18 պատգամավորով:
Հիշեցնենք, որ ԼՀԿ-ն այդ պաշտոնի համար առաջադրելու է Մանե Թանդիլյանի թեկնածությունը: ԲՀԿ-ն ևս թեկնածու է առաջադրելու, բայց անձի անունը հայտնի չէ:
Հայկ Վարդանյան
